Na Djarfogu é PAI ki du krê!

Pa Agnelo A. Montrond, USA


Dedikatória: N ta didikâ es vérsus a tudu eleitoris fogensi, y N ta sperâ ma es ta votâ en konsiênsia, ku intelijênsia, y ku kunfiansa na kontinuidadi di dizenvolviméntu sustentadu di Djarfogu, pamódi si é pa piór, midjó du fikâ sima du stâ. Vótu útil é na PAI. Kes otus ka ten ipótsi. Votâ na es? Nen Ka Bu ben Ku El!

 Na Musteru é Fernandinho Teixeira ki PAICV krê

Y ka podê ten kretxeu más sabi ki PAICV na Txon di Kafé

Undi ki tudu Tanbarina ta krê na kel ki PAICV krê

PAICV é txabi ki ta abri pórta di Kâmara di Musteru, nos fé


//


Na Kóba Figera é Aquileu Amado ki PAICV krê

Y ka podê ten amor ku más fidelidadi ki PAICV na Txon di nha kodé

Undi ki tudu kenha ki é Stréla ta krê na kel ki PAICV krê

PAICV é txabi ki ta abri pórta di Kâmara di Kóba Figera na tudu maré


//


Na Bila é Luis Pires ki PAICV krê

Y ka podê ten ningen ki é más ki PAICV na Txon di Pêpê

Undi ki tudu kenha ki é PAICV mé-divéra ta krê na kel ki PAICV krê

PAICV é txabi di oru ki ta abri pórta di Kâmara di Sãu Filipi ku autorizasãu di Vitória

AEROPORTU NELSON MANDELA NA VÉRSU DI TRONBÓNA

Pa Agnelo A. Montrond, USA

«Bu faze ó bu ka faze, tudu kuza é badiu» … !


Si en ves di Nelson Mandela, nómi ofisial di Aeroportu Internasional di Praia éra Pedro Pires, Carlos Veiga, ó Déus

Rióla ku pé-di-burru ta kontiseba na mésma

Ka ta tenba tadju

Pabia opinion di kabuverdianus sta stratéjikamenti, tátikamenti, y konvinientimenti pulitizadu