Até Sénpri Nélu

Dedikatória: Es vérsus e dedikadu a nha grandi amigu y parenti, Manuel Barbosa Amado, más konxedu pa Nelinhu Di Casimiro, ki falsê di duénsa natural, na Rubera Djê, simana pasadu.


Até Sénpri Nélu



//


Nelinhu éra un pai
Un amigu
Un konsedjeru
Un figura ki markâ se ténpu y se époka na Djeu


//


Nélu é un referensia y un personalidadi finu
Amigu di tudu argen
Se kaza éra sénpri pórta abértu
Se korasaun éra mas bondozu ki própi bondadi


//


Ká Nélu éra un pontu di enkontru na Djeu
Éra un séntru di parájen obrigatóriu
Na Ká Nélu amizadi, karinhu, y sinpatia
Éra sénpri pratu du dia


Susésu di un omi ka ta mididu pa rikéza ki el ta dixâ óra ki el morrê, má pa sodadi ki el ta dexa óra ki el ta bai pa iternidadi y ku dignidadi. Inda N ta lenbrâ di kes konbérsu agradável y animadu ku Nélu na Djeu, na se kaza, na Kutélu, na Serkinhu, na Pórta Ká Lion, enfin, na tudu kabu. Morti e un distinu sértu ki nos tudu du ten ki kunpri un dia. Tê ki óra txiga ka ten tadju. N sabê ma Nélu sta djuntu ku Déus. N ta dizejâ pás y itérnu diskansu a se alma na paraizu.


Até senpri Nelinhu.