Es Krizi

Pa Manuela Pina


Mizéria di es povu sta pa dimás
Es krizi dja tumâ tudu argen kabésa
Fómi ningen ka pode ku el

//

Kuza xuxu ki ta matâ
Ai, na es bida, nos ki ta pagâ kurpa ku pekadu
Dja-bu-mé ki mundu ta frâ
Dor di fidju fémia ta duê
Más ki fidju ki ka matâ
Má ki es matâ

//

Ai rapazinhus, nhos tumâ juis!
Rapariginha di surizinhu y prubléma
Ningen ka kre ser vidru
Tudu argen kre ser pédra

//

Ka bu ponta-m dédu
Fitxa bóka
Lingua kunpridu
Odja ma subi tribunal e ka pa tudu argen
Bu ten ki ta ten kanéta

//

Juis mariadu e te di-bo pa te di-bo
Djiga, parâ
A-l-el ali
Tuma-l bu leba-l

//

Kurpa e na txon ki el ta kai
Pasiénsia tenê mon na kabésa
Fidju fémia di argen e txabi-l kadia
Es krizi ningen ka pode ku el

Manuela Pina