Dedikatória: pa tudu kes ki e vítima di Kalúnia, Injúria, Difamason, Insultu, Y Balélas na Kumentárius Anónimu Negativu na spasu sibernauta
Nha dóna sénpri ta flaba mi: «Nha nétu, si katxô ladra-bu, ka bu bá brigâ ku el. Fuji di el azóra.»
Inspiradu pa es konbérsu sábiu li, N ta pidi pa ningen ka liga nen pa ka xatia ku kalúnia, injúria, difamason, insultu, linxaméntu di pesoas, falsifikason di identidadi y balélas na kumentárius anónimu negativu dislokadu y ki ka ten nada a ver ku matéria ó ideias ki un textu informativu ó ki un artigu di opiniãu ta veikula. Y nen ka meste identifikadu kenha ki ta opta pa anonimatu pa insulta otus gratuitamenti. Punison e ka liga, y txau. Nos pustura asumidu, dividamenti identifikadu, ku nómi y fotografia, ku elevason, étika y pedagojia ta sirbi di izénplu.
Y más, N ta apela a tudu leitor aténtu pa ka akredita na parvisis ki el ta lé, só pamodi un parvu kualker uza nómi falsu di algen pa skrebe-s, y es foi patétikamenti aprovadu y publikadu, pa nu odja si es ta kiria y bira grandi. Un insultu ta kastiga se kabésa y se própi autor, pa se própi ifeitu refleksivu di rakoxeti. Y ifeitus di un insultu ta dipende di reputason, imájen y kualidadis di kenha ki sa ta ser vizadu, y di kapasidadi di análizi informadu di kenha ki sa ta lé pa tra konkluzon. Y nu debe intende ma e ka pabia di patetisi di un patéta ki nu ta konklui patétikamenti y forma un opiniãu patéta sustentadu únikamenti pa un patetisi patétiku.
Má atenson, predispozison di públiku pode ser determinanti na ifeitus ki insultu pode ten. Anton liberdadi di spreson na kumunikason susial debe ser ikilibradu ku direitus umanus y di sidadania na un perspetiva globalizanti, pamodi sima nu sabe, idukason, sivismu, kortezia y onbridadi e valoris ki ka ta inpodu a ningen. Má malkriason, salbaxaria, insultu, kalúnia, balélas, ofénsa, difamason, ameasa, injúria, etc, debe ser konbatedu y filtradu ku pedagojia, deontolojia, étika y elevasaun na kumunikason susial. Má, infilismenti, alguns moderadoris ten stadu ta fadja y nu sa ta uza sigintis kumentarius anónimus ki foi aprovadu y publikadu na FORCV pa ilustra nos priokupason:
10/24/2010 8:12:18 AM #
“Somos dos únicos partidos que presta contas. O financiamento é do Partido. Não do Estado”, respondeu o Dr. Carlos Veiga que faz saber que o dinheiro investido nestas actividades “não é ilegal”.
Carlos Veiga
Esta resposta do Veiga é podre e não convence a ninguém. Neste mundo de hoje sómente dizer que o dinheiro utilizado não é ilegal não diz nada. Será que o Veiga como homem realizado a todos os niveis com excepção da politicamente, conforme as suas próprias palavras numa entrevista dada directamente de Portugal ao Ex-programa "Caminho de Mar" com o ilustre Carlos Lopes, portador de seis cursos superiores aqui nos State de serviço está ultilizando o seu próprio bolsa para estas festansas...??? O problema ve-se logo que o homem mente ao ser confrontado com a questão dos esbanjamentos e donde a proveniencia do dinheiro. Todo o caboverdiano sabe que o Veiga e o MpD está envolvido com narcotraficantes, por exemplo o Veiga é padrinho do Furá que esta preso na Gambia por estar envolvido num crime organizado que envolve 2,5 toneladas de cocaína, O Djoi - preso em Espanha financia MpD através do Daniel Lobo-delegado do MpD junto da CRE-USA que recentemente desapareceu dos EUA e apareceu em Cabo Verde por causa de alguns bens do Djoi que está sobre as investigação internacional(INTERPOL). O mais caricato é que os advogados dos narcotraficantes, baroes da droga, correios são todos dirigentes e altos dirigentes nacionais do MpD. Minha gente dá para desconfiar. A título de mais um exemplo o Daniel Lobo veio aos EUA para tratamento e desde já desejo-lhe melhoras há vários anos e nunca trabalhou nos States e, em Cabo Verde nunca foi um grande advogado, ou seja, com muitos clientes para ter os bens que possui aqui- Um carro de mais de 50 mil dolares, uma casa acima dos 450 mil dolares. A FORCV que investigue para ver se tenho ou não razão.
Agnelo Montrond
10/1/2010 10:33:11 PM #
o Consul enviou-te a cartinha para te pescar este senhor e um grande aldrabao e so saber cupmprir o que o ze maria lhe mandar fazer.o Gaju e um dos maiores corruptos de cabo verde.Estes consuls de assomadas ja estaomos fartinhos destes ratinhos com carinha de macacu.
A.Montrond.
10/6/2010 5:23:21 PM #
Sr. Candido Rodrigues o Sr. Primeiro Ministro esteve ca de 17 a 24 de Setembro de 2010, se nas suas contas o somatorio de 17 para 24 sao duas semanas somente tenho a dizer-lhe "Pachencha". Também não é ético e nem tã pouco moral apenas dizer que essa última viagem do Sr. Primeiro Ministro custou ao erário público um milhão de dolares, é preciso prová-lo, pois não... E as viagens dos altos dirigentes do MpD aos EUA??? Foram, são e/ou serão pagas por obra do Espírito Santo???!!!
Acho e penso Sr. Candido que devemos fazer campanhas políticas com elevação e responsabilidade. Os caboverdianos e caboverdianas, principalmente os(as) que vivem nos Estados Unidos teem a noção clara e cristalina do montante em causa, ou seja, que signifa um mulkhão de dolares americanos) mormente o Senhor. Sr. Candido a "ambição serra o coração". Sr. Candido Parafaseando o Prof. Eduardo para lhe dizer o seguinte: "Somos o que fazemos, mas somos, principalmente, o que fazemos para mudar o que somos”. Sr. Candido o que é que o Senhor tem a dizer sobreo Director Geral dos Serviços Consulares em conluio com Agostinho Lopes, José Luis Livramento e Benvindo Rodrigues, presidente da Comissão Politica Regional da Guiné Bissau na falcatrua de documentos para recenseamento naquele país irmão...???
Cordialmente.
Agnelo Montrond
Pamodi ki es anónimu ta uza y ta abuza di nómi falsu Agnelo Montrond komu autor di es kumentárius?
Enbóra pode ten algen ki N ka konxe ku es nómi Agnelo Montrond, txeu leitoris pode erradamenti pensa ma e mi Agnelo A. Montrond ki e autor di es kumentárius supra ki e un autentiku Kalúnia, Injúria, Difamason, Insultu Y Baléla. Y N ta apruveita pa publikamenti dimarka y distansia di autoria y di konteudu di es kumentárius y N ta konta ku konprenson di pesoas vizadu: Dr. Carlos Veiga, Candido Rodrigues, Carlos Lopes, Daniel Lobo, konsul, Agostinho Lopes, José Luis Livramento y Benvindo Rodrigues, ki e pesoas ki N konxe; Furá y Djoi ki N ka konxe y nen N ka sabe es e kenha.
Inda ten más kumentarius di mesmu natureza si ka pior inda di ki kel-li ku nómi falsu di Agnelo Montrond, A. Montrond, Montrond, etc. Kuzé ki debe fazedu pa ivita ki nómi di pesoas kuntinua ta uzadu di es manera li? Será ki e kulpa di moderadoris?
Inda onti N odja un kumentáriu na FORCV ki ta insulta kongresista merkanu Barney Frank, un grandi amigu di kabuverdianus ku palavras obsenas y diskriminatóriu en relason a se orientason seksual.
Es tipu di kumentarius ka debia ser publikadu, nen na FORCV nen na A SEMANA, nen na LIBERAL, nen na kes otus jornal eletróniku kabuverdianu. Kuza ki sa ta kontise e ki es ta publikadu duranti un sértu ténpu y dipos es ta pagadu. Kel-li ka sta dretu. Sima sabedoria popular ta fla: «Dipos di keda Jizus Kristu ka meste».
Pergunta ki N ta koloka a prezadus leitoris e si na kuadru jurídiku kabuverdianu y merkanu atual, e pusível arkua ku konsekuênsias legal ó inputa responsabilidadi jurídiku pa puni:
ameasa - ameasa algen ku palavras skritu na kumentáriu a se artigu di opinion, ku intenson di kauza-l un mal grávi y injustu;
injúria - ofénsa a dignidadi ó dekoru di pesoas;
kalúnia - falsamenti inputa algen un faktu difinidu komu un krimi; nes kazu devia ser fetu investigason na spasu sibernauta pa identifika autor anónimu di kalúnia ki devia ser punidu djuntu ku moderador / jornalista ki sén próva ma kalúnia e verdaderu ta propala-l ó divulga-l;
difamason - inputa algen un faktu ofensivu a se reputason;
identidadi falsu - un algen ki ta uza identidadi falsu pa kauza danos a otus;
ó otu ofénsa kualker, kumetedu na spasu virtual pa un anónimu.
Má komu ti inda tudu sa ta pasa inpunementi, es, tantu responsáveis di jornais dijital komu komentadoris anónimus, sa ta kontinua, sén burgónha, ku es prátika ki pode sa ta kria un mal-estar susial ki meste konbatedu ku urjênsia. E ka ta benefisia ningen. Au kontráriu e ta baxa nível y el ta promove mediukridadi. Anton, N ta ripiti y N ta torna fla ma é nesesáru regulamenta y disiplina es aspétu na kumunikason susial. Y N ta spéra ma ken ki e di direitu ta torna obi es nha apélu. Ku es preokupason na menti,
N ta prometi volta brevimenti pa ben konpartilha ku leitoris nha opinion en relason a es matéria.
Ta kontinua brevimenti ...
No comments:
Post a Comment