MPD OTRABÊS? KRÉDU! NÉN KA BU BEN KU EL.

Si É Pa Nu Muda Pa Piór, Midjór Nu Kuntínua Sima Nu Sta - Un Izénplu Na Áfrika – Parti II

Pa Agnelo A. Montrond, USA

Muviméntu rabentóla rabenta dos bês ( y inda el ta torna ben rabenta; nhos spéra nhos ta odja) y el pari dos fidjinhus na rua, na dôs partu: se priméru fidju txoma PCD y sugundu txoma PRD. Dôs partidinhus «bazofu» ki korajózamenti dinúnsia ses mai ki staba ta faze un mau guvernason ou seja un bon disgovernason, ku txeu dívidas, txeu kurrupson, kofri baziu, atrazu na pagamentu di bolsa pa studantis na stranjeru, esbanjamentu, fadja na kunprimisus di pagaméntu a parserus di dizenvolviméntu di Kabuverdi, skandalus gritantis sima kazu di enbaixador Estrela, kazu di siméntu, kazu di un ex-Ministra ku se enteadu, dizaparesiméntu di 2 milhon na kel negósiu obskuru na privatizason di ENACOL, etc. Má simé, MPD mankixa na puder ti 2001, altura ki povu da-l un konpitenti karton brumedju, pa fla-l ma dja staba basta. A partir di es data, tantu mai komu ses dôs fidju kumesa ta perde eleison na tudu kobon y na tudu «balkon». Pa konsolu, es da kunpanheru un grandi «gataria» ti ki es atxa ma es «mesti muda». Anton alguns muda pa ses mai, MPD. Y gósi es sta djuntu ku ses mai. Tantu fidjus komu mai es é un pokabrigónha. Ka pode ten falta di karáter más tamanhu di ki es: ses postura é inkoerenti, inkonsistenti y poku sériu. Es sa ta namora ses mai pa odja si es al konsigi algun taxu na prósimu eleison na dia 6 di Fevereru. Má nganadu ki es sta. Di sertéza es ta panha baziu. Li na Mérka, sta garantidu ma es ta leba dôs - zéru. Kel úniku ligason ki tinha di Boston pa Sal es korta-nu-el y es afronta-nu nos imigrantis na Mérka. Si mai «Mesti Muda» debe sigi mau izénplu di ses dôs fidjus malisuadu ki karkutiba y fundaba ses mai mon, anton mai «Mesti Muda» mesti muda pa bira un fidju malisuadu di Kabuverdi disprezadu pa iternidadi y fidju malisuadu mesti muda pa bira mai «Mesti Muda» irresponsável ki pariba es y botaba-s na rua di maus-módi. Dia 6 di Fevereru nhos krê ntrega Kabuverdi na mon di es mai «Mesti Muda» irresponsável ku ses dôs fidjinhus malisuadus pa es ben da-l na pédra otrubês? KRÉDU! NEN KA NHOS BEN KU EL.

Cabo Verde Pátria Minha

Por Agnelo A. Montrond, USA

Cabo Verde pátria minha


Quero-te cada vez mais pátria


Adoro-te cada vez mais Cabo Verde


Esses dez grãozinhos de terra que ninguém pode mudar

//

Amo-te Cabo Verde, mais do que todas as vitórias amarelas


Talvez porque és a mais bela de todas as pátrias


Quero-te assim tanto, meu distante berço


Adoro-te oh estrela de Fevereiro


//

Tu que emerges do Atlântico


Não deixe que ninguém venha fingir mudar-te


Aceita o beijo patriótico da transformação


Que quer acariciar o teu formoso corpo insular

//

Enfeitado com belos portos, aeroportos, e barragens


Com lindas estradas asfaltadas


Com o Kriola dançando com o vento que liga as tuas formosas ilhas


Um mundo novo moderno e competitivo


Vai entrando pelo teu Porton di Nos Ilha


Fazendo-te cada vez mais Cabo Verde


A orgulhosa mãe deste teu filho


Com muitas saudades de Ti


 
Agnelo A. Montrond

MÁS Y MIDJÓR KABUVERDI: Si É Pa Nu Muda Pa Piór, Midjór Nu Kuntínua Sima Nu Sta - Un Izénplu Na Áfrika – Parti I

Pa Agnelo A. Montrond

Si é pa nu volta pa derraderu guvernason rabentóla di anus 1991 - 2001, midjór nu kuntínua sima ki nu sta, ku es BON GUVERNASON di Dr. José Maria Neves y se ekipa ki bira-nu un PDM y izénplu na Áfrika! É ka mi ki fla é Sekretária di Stadu Merkanu Hillary Clinton ki fla.

N ka é …!

Pa Agnelo A. Montrond, USA


Mi é


Y N sta


Kel ki ningen ka é


Y undi ningen ka sta




//


Mi é


Y N sta


Ningen ka ta po-m sér


Kel ki N ka é


Ó sta undi ki N ka sta




//


Mi é tudu kel ki N ka é


Pa N izisti sén N sta


N ten ki sér Puéta


Pa N sér tudu y nada ki N ka é




//


N ta izisti entri sér y sta


Y N sta módi ki alguns ta gostaba di sta


Má N ka é kel sér ki N sta


Nén N ka é kel sér ki N krê sérba


//




Izistênsia é infinitamenti ka izisti


Sima futuru ta fika iternamenti pa ben


Má pa ningen ka ben obriga-m sér kel ki N ka é
Ó sta undi ki N ka sta