MÉZA RODÓNDU SOBRI KRIOLÍSTIKA NA MASSASOIT COMMUNITY COLLEGE

Konsuladu Jeral di Kabuverdi na Boston sa ta organiza un Méza Rodóndu lideradu pa linguísta kabuverdianu Dr. Manuel Veiga, dia 3 di maiu, kinta-fera, sinku óra di tardi, na Massasoit Community College, na Brockton.

Tema prinsipal di es Méza Rodóndu é «Kriolístika na Kabuverdi – Un Prusésu, Un Dizafiu».

Na se intervenson Dr. Veiga ta faze un brévi abordájen di sigintis tópikus:

1. formason di kriolu kabuverdianu

2. negason di si statutu linguístiku

3. rezisténsia di patriótas más konsienti

4. afirmason di kriolu kabuverdianu dipôs di Indipendénsia y se projeson pa futuru.

GRANDE CELEBRAÇÃO: OS PECOS TRANSBORDOU GENERATIOS COM SHOW MUSICAL SUI-GENERIS

Por Agnelo A. Montrond, USA

Uma organização de alto nível assinalava o início de um «show» à altura do espectáculo musical de Sábado, dia 7 de Abril, no Generations Banquet Hall, 81 Memorial Dr, Avon Mass. A sala estava cheia; houve muita música e muita animação; a pista de dança esteve sempre ocupada por pares habilidosos e a festa foi rija; badju foi «te sapatu baza fumu y kabélu txera kemadu, sima ki Djuka ta kustuma fla».

4 DI ABRIL, PRÍNSIPIU DI BU FIN!

Pa Agnelo A. Montrond, USA


Sima pinton ki morré na óbu
Bu nterradu dia 4 di Abril, ka nobu
Nha Vija Maria ta bai bu dianti
Pa trás bu ka dexâ nada, nen sodadi
//
Bu fin dja sta pértu
Ka ta ten nen padri, nen térsu, bera di bu arka prétu
N aguenta-bu te undi N ka podeba más
Bu troka inférnu pa paraizu di bus rabéntas
//
Mi sén bo
N fika midjór ki mininu ki perde se ponba
Bu ka merese nen nha disprézu
//
Dufuntu dja avizaba mi
Ma kenha ki ka ta obi ta odja
Ale N ta ozerba Mérka y Mundu ki sta na móda …

Merkanus Sa Ta Prende Kriolu Manenti Na Massasoit College

Pa Agnelo A. Montrond, USA

Ka dura, kantu ki inda nu staba ta pensa na kal universidadi na es zóna di Nóva Inglatérra ki midjór ta sirbiba pa organiza enkontru di nos Primeru Ministru, Dr. José Maria Neves, ku jóvens kabuverdianus, na konbérsu na telefóni sobri es asuntu, un nha amigu fla-m: «Montrond, dja N pensa na MIT, na Harvard University, Na UMass, na Bridgewater Sate College ki oji é Bridgewater State University, má nos «Harvard» y nos «MIT» é Massasoit Community College, undi ki maioria di jóvens kabuverdianus ta kuntinua ses studu óras ki es termina liséu».