Pedro Pires ta diskursa na ONU y ta vizita kumunidadi kabuverdiana brevimenti!

Prizidenti di Republika di Kabu verdi - Kumandanti Pedro Pires

Nos Prizidenti Pedro Pires, ta partisipa na sasentézimu terseru seson di Asenblêia Jeral di Nasons Unidas, di 21 a 26 di es mês, na Nova Iorki, y el ta aproveita es oportunidadi pa vizita kumunidadi kabuverdiana na Mérka, di 27 a 30.

É más un oportunidadi pa Xéfi di Stadu kabuverdianu analiza djuntu ku kumunidadi na Mérka, alguns asuntu di interesi pa nason kabuverdianu, sima dizafius y grandis prujétus di dizenvolviméntu tantu a nível di Kabu Verdi komo tanbe a nível di nos diáspura.

Kontactus ku kumunidadi ta kumesa na dia 26, sésta-fera, ku un jantar di gala na Mediterranean Manor na Newark, New Jersey, y sábadu dia 27, ten un out jantar di gala na Lantana, lokalizadu na 43 Scanlon Drive, na Randolph, Massachusetts, 02368, tel. (781) 961-4660, di séti óra di noti ti uma óra di madrugada.

Dia 28, ki é dia dumingu, Prezidenti di Repúblika ta kumesa se prugrama di vizitas y di kontaktus y el ta vizita CACD, ki sa ta organiza un ivéntu pa resebe-l na Pawtucket, Rhode Island, undi ki Prizidenti Pedro Pires ta enkontra ku entidadis ofisial di stadu di Rhode Island, reprezentantis di asosiasons y di organizasons nãu guvernamental, y instituisons susial, kultural y religiozu, expesialmenti muzéu di Kabu Verdi na East Providence.

Ántis di se regrésu térsa-feira, dia 30, Pedro Pires ten ajendadu enkontru di kontactus ku enprezárius kabuverdianus y tanbe el ta vizita priméru Séntru di Saudi Kabuverdianu na Boston y na Brockton.

Na Asenblêia Jeral na ONU , Prisidenti di Repúblika ta diskursa na dia 24 di Seténbru y el ta partisipa na dôs grandi reunion: Un sobri grandis kestons sobri dizenvolviméntu di kontinenti afrikanu y un otu sobri dizafius di es miléniu.

Xéfi di Stadu di Kabu Verdi ta enkontra ku otus xéfis di stadus y ku altus reprezentantis di Stadus menbrus di ONU, y el ta partisipa na otus ivéntus inpurtanti.

Source: Valdir Alves, Jornalista, USA, CVOL staff

Kumité ki sa ta organiza Jantar di Gala en onra a Nos Prizidenti, Komandanti Pedro Verona Rodrigues Pires, ta sulisita onrada prizénsa di Kumunidadi en pézu na es ivéntu di dia 27 di Seténbru, na Lantana, nu ta ripiti, lokalizadu na 43 Scanlon Drive, na Randolph, Massachusetts, 02368, tel. (781) 961-4660, di séti óra di noti ti uma óra di madrugada. Nu ta agradese partisipason di tudu algen, inkluindu pesoas y instituisons, ki nu ta enkoraja pa partisipa na kualidadi di PARTOSINADORIS, y ses nomis ta sér rekonhesidu públikamenti. Pur favor, nhos kontakta sigintis pesoas, antis dia 15 di Seténbru, pa nhos adkiri nhos bilheti ó pa partisipa komu patrosinador:

Brockton y arredoris:

Domingos Lopes: 508-287-7616
Cristalina Pereira: 508-559-9485
Alice Veiga: 508-361-8584
Ana Martins: 617-224-7407

Taunton y arredoris:

Agnelo Armando Montrond: 774-222-0222
Antonio Fonseca (Totoi): 508-250-9785

Boston y arredoris:

Maria João Vasconcelos: 617-892-3436

José Lopes (Zuka): 617–980-6275
Mário De Pina: 857-452-6055
José Quintino Mendes: 617-840-5185
António Júnior: 617-820-349
Ulisses Gonçalves: 617-908-3414

NewBedford y arredoris

Nicolau Gomes: 508-264-7240

Rhode Island:

Any Chantre: 401-316-0139
Carlos Tavares: 401-439-9889


Nos Prizidenti Pedro Pires, nasi na vinti y nóvi di Abril de 1934, na Djarfogu. El foi kunpanheru di Amílcar Cabral na luta y labuta pa indipendensia di Giné y di Kabu Verdi. El foi komandanti y altu dirijenti di PAIGC, ki ku akontesiméntu di 25 di Abril, xéfia delegason di partidu pa negôsia ku Purtugal rikunhesiméntu di Stadu di Giné y tanbe direitu di indipendensia pa povu di Kabu Verdi. Kumandanti Pedro Pires foi prumeru ministru di Kabu Verdi di 1975 a 1991. El foi eleitu Nos Prizidenti desdi Abril di 2001.

Agnelo A. Montrond