Pa Agnelo A. Montrond, USA
Dedikatória: Pa tudu korasãu maguadu pa injustisa …
N tenê dór na nha tristi tristéza
N sta filis ku nha dolorozu dór sén beléza
N ten péna di kenha ki ka nportâ ku amor nén ku morabéza
N tenê pézu na nha pensaméntu ki perdê grandéza di se menopauza
//
Kuzé ki sa ta farta-m N ka sabê
Si é malfetu ó mal-di-amor inda N ka skrebê
Amor ta rapendê sertinhu di madrugada óra ki galu kantâ 3 bês
Nha genti fórti trabadjâ kansadu pa argen ki N ka debê
//
Ten sénpri un razãu pa pasu trokâ se ninhu
Sima dia ta trokâ pa noti, filisidadi ta trokâ pa mágua di se sonhu
El é pa mi, mi é pa el, simé bafadu y rodeadu pa spritu runhu
//
N tenê dór na sukuru ku lus ta duê
Ta badu tudu dia má ka ta biradu nunka sén fé
Ki sta na móda é marmenéu ki ka meresê nén nha bulu di pô kafé
No comments:
Post a Comment