N ba ku nha pasta baxu sobaku
Kudi na altar di Nha Santana ki tra kel pixinginha di braku
Bran-bran di li bran-bran di la ku es asuntu di banku
Nha kabalu kruza ku se égua na mei di kel salabanku
//
El sumara nha vida N sumara se disventura
El trunfa séti N bafa-l –el ku ás di aventura
Podu pasadu, prizenti y futuru na balansa la na altura
Fadiga pa ké si el ta morre-m na nha mon, rusu, séku, raganhadu y sen postura
//
Grinalda é ka pa katréfa nau
Braku txeu nunka ka tinha três ninhun kau
Ba ngana kenha ki ka konxe bus vóltas na Kalhau
//
Nha korason é finu y e’ só pa nha kodé
Ba pa Piku D’inférnu da bolé
Mi é ka txakóta, pixinginha txéru-l xulé …
No comments:
Post a Comment