Irmon Kabuverdianus, Nu Uza Y Divulga Alfabétu Kabuverdianu Ofísial(AK, ex-ALUPEC)

Sunday, June 3, 2012

AEROPORTU NELSON MANDELA NA VÉRSU DI TRONBÓNA

Pa Agnelo A. Montrond, USA

«Bu faze ó bu ka faze, tudu kuza é badiu» … !


Si en ves di Nelson Mandela, nómi ofisial di Aeroportu Internasional di Praia éra Pedro Pires, Carlos Veiga, ó Déus

Rióla ku pé-di-burru ta kontiseba na mésma

Ka ta tenba tadju

Pabia opinion di kabuverdianus sta stratéjikamenti, tátikamenti, y konvinientimenti pulitizadu



Nómi di un aeroportu internasional ka é operasional

É só un rótulu subjetivu ki kada un ta interpreta y analiza di se manera

Ki meste reklamadu gó, é pa aeroportu Internsasional Nelson Mandela

Sér un aeroportu internasional mé-divéra, á altura y ku dimenson di se nómi ofisial



Nu orienta Aeroportu Internasional di Praia – Nelson Mandela puzitivamenti

Nu bira-l un aeroportu kada bes más mudérnu, di kategoria di kapital di Kabuverdi

Ka ningen ben poi bóka na Aeroportu Nelson Mandela na vérsu di tronbóna



Aeroportu Internasional di Praia

Bo é pórta di entrada y di saida di Praia

Nu entra ku pé direita y nu sai ku orgulhu di nos grandi Kapital



Puéta Eugénio Tavares dja flaba: «SI KA BADU KA TA BIRADU»

Dja nu ben, nu sta li ta sigi tudu ku atenson

Sén baléla na dizaforu, nu ta volta di sertéza pamódi nos regrésu é sértu …

No comments: