Puéta é ka só kenha ki é kapas di skrebe kuza ki el ta xinti
Puéta é sobritudu kenha ki é kapas di xinti kuza ki el ta skrebe
Oji, N skrebe segrédu, N xinti, N txora di alegria
N xinti segrédu, N skrebe, kontenti ku koraji di tristéza tudu dia
//
N tene un segrédu segregadu trankadu déntu mi
N ka ta fla ningen el
É un abrisa sabi
Más dósi di ki própi mel
//
Liberdadi é sonhu kór-di-róza
Ónti éra metadi di oji pa futuru di nha próza
Li, mi ku bo é puezia ki puéta inda ka skrebe
Ilha é mundu di kunprimisu na kurason di kenha ki N krê
//
Ti ki enfin lus di nha distinu dja ilumina-m Klaridadi
Abo é béla ki ta sendi nha filisidadi
Mi, N kondenadu 17 anu na prizon di kaprixu di amor/ódiu
Amigu, inimigu, Kristu Pregadu, krusifikadu na susésu ki panha baziu
No comments:
Post a Comment