KONBÉRSU PARDUBAXU- SABEDORIA POPULAR

Pa Agnelo A. Montrond, USA


Kriolu é un lingua bunitu y riku. Se beléza é úniku y se rikéza ka ten midida. Du skrebê beléza y rikéza léksikal y strutural di Kriolu ku régras y ku Alfabétu Kabuverdianu Ofisial (ex-ALUPEC). Kriolu é ka só bunitu y riku. Kriolu é grandi! Dimensãu di Kriolu é maiór ki se grandéza, se beléza y se rikéka. Na ton di un dimonstrasãu eurístiku di es atributus linguístikus ki ta brilhâ na séu di nos lingua y kultura, N sa ta ben konpartilhâ ku nhos es konbérsu pardubaxu li, ki é nos sabedoria popular, y kabuverdianamenti N ta kontâ ku nhos kontribuisãu na komentárius, ku ruspetu, morabéza, integridadi y dignidadi pa tudu argen, y N ta spéra ma injúria, difamasãu y otus tipus di kumentárius anónimu negative ka ta faze skóla na nos vivênsia y konvivênsia na síberspasu:


Bidion ka pexi
Kamuga ka faka
Kaza di argen ka morada
Kumida di argen ka susténtu


Bu juis bu orédja
N ka frâ
Bu ka obi
Ken kika ta obi ta odjâ


Djutu more fifiri fikâ


Ken ki bá ka ta ben más
Ken ki ben ten kibá


Bu ka nha nétu
Nen bu ka nétu nha batatera
Kazadu é ponba kin esê kazadu
Trividu é móska ki sinta-bu nabu pratu


Nhordés ku se mundu
Santu ku se altar
Y mi ku nha kodé


Trabadju riju
Tratu mofinu


Bu fra-m N fra-bu
Bu spia-m N spia-bu
Bu pintxa-m N pintxa-bu
Bu da-m N da-bu


Kórda ta rabentâ sénpri é na más fraku


Mudjê bunita ka mestê pintura
Rapás radjador ka mestê dinheru


Koxa rodondu é pa Sr. kapatás
Miudjê feia é na kantu kaza


N ka ten partidu
Nha partidu é nha tanboru di mindju térra
Y nha kartera intxidu tubuku déntu nha djibera
Di réstu é só kantiga


Karneru ta nesê ku se lan
Kantu más fundu bu korta-l-el
Inda más finu el ta tornâ nesê


Balenti é katxó
Albarda é pa burru


Pegâs umâ kel nha frana sen três pisina-sina
Ki ten sinad’ómi amá di mudjê


Bo é spotu sen rabitxi
Májuis gó é Soza ki ta po argen el
Ka bu po fé ku sapatu dufuntu


Só monti ku monti ki ka ta tapâ


Kada midor ten se sogoreia


Kenha ki kumê kokoróta na kaleron
Ta obi trubada ku ralanpu dia di se kazaméntu


Sodadi ka ta mata


Papa kenti ta kumedu di bórta


Idukasan ben di koléju
Y koléju ben di Lisboa
Bu pákad’el
Bu mákad’el
Y bona el étetolera


Da un tóki bu fuji pa ladu
Si el kakai, e’ka ta kai nunkamás


Pilon pan txuba txobê!
aamontrond@yahoo.com