Pa Marsianu nha Ida padri Nikulau Ferera
Nun artigu di opinion di Sinhor Napoleão Andrade intituladu “CABOVERDIANIDADE E CRIOLIDADE?!!” publikadu lisin http://liberal.sapo.cv/noticia.asp?idEdicao=64&id=20632&idSeccao=527&Action=noticia , un monti di komentaristas ta ruma, sima barexa, na kes patriota ki sa ta tenta labanta esensia di nos identidadi la na Merka – nos lingua! Ta djunta nes patriotas pa da ku po!
Pa kes komentaristas, N ta fla-s es kuzas li:
Tudu kes sapateta di nhos e pabia di skodja di varianti di Bersu di Nason Kabuverdianu pa bazi di ensinu na Merka. Varianti di bersu, pa un banda, e papiadu pa mas di 55% di Kabuverdianus. Pa otu banda, kes otu 8 varianti e papiadu, kada un, en media, pa menus ki 6% di Kabuverdianus.
Kal varianti ki profesoris la na Merka debeba toma pa bazi? Kel ki ta papiadu pa mas di 55% di populason o un di kes ki ta papiadu pa, en media, menus ki 6% di populason?! Sima nhos ka kre risposta di algen ku tinu, nhos pulitika e di mai falsu dianti di rei Salomon: mata lingua kabuverdianu = ka nxina ninhun varianti.
Nun artigu di opinion di Sinhor Napoleão Andrade intituladu “CABOVERDIANIDADE E CRIOLIDADE?!!” publikadu lisin http://liberal.sapo.cv/noticia.asp?idEdicao=64&id=20632&idSeccao=527&Action=noticia , un monti di komentaristas ta ruma, sima barexa, na kes patriota ki sa ta tenta labanta esensia di nos identidadi la na Merka – nos lingua! Ta djunta nes patriotas pa da ku po!
Pa kes komentaristas, N ta fla-s es kuzas li:
Tudu kes sapateta di nhos e pabia di skodja di varianti di Bersu di Nason Kabuverdianu pa bazi di ensinu na Merka. Varianti di bersu, pa un banda, e papiadu pa mas di 55% di Kabuverdianus. Pa otu banda, kes otu 8 varianti e papiadu, kada un, en media, pa menus ki 6% di Kabuverdianus.
Kal varianti ki profesoris la na Merka debeba toma pa bazi? Kel ki ta papiadu pa mas di 55% di populason o un di kes ki ta papiadu pa, en media, menus ki 6% di populason?! Sima nhos ka kre risposta di algen ku tinu, nhos pulitika e di mai falsu dianti di rei Salomon: mata lingua kabuverdianu = ka nxina ninhun varianti.
Storia ta rejista ma omis di valor pega na arma pa se lingua maternu nxinadu. Storia ka ta rejista ma verdaderus fidju di un Nason ba tenta inpidi algen di nxina se lingua maternu. Es dejeneradus ta ba pa lixu di storia!
Forti ignoransia – nhos ka sabe ma nen ingles e ka lingua ofisial di Merka?! Lingua ta studadu pa ko-mu-ni-ka. Si kes ki sa ta studa lingua kabuverdianu sa ta konsigi komunika ku otus Kabuverdianu, kel la signifika ma ensinu di nos lingua la na Merka e util...
Tudu Sekson di prinsipais jornais inpresu di Kabu Verdi skrebedu na nos lingua sta skrebedu na ALUPEC. Oji sedu (02Outubru2008), na ta ben di atual bairu mas xiki di Kabu Verdi pa sentru di “Kapital ki ta uni-nu”, na Kebra Kanela, djuntu di undi Angolanus sa ta ba konstrui un luxuozu konpleksu turistiku (konpleksu ki ten nomi skrebedu na ALUPEC), N atxa un outdoor nobu, ki ta fala di Yogurt IOGUREL, skrebedu na ALUPEC. Mas pa frenti, N atxa un otu outdoor di Serveja Nasional STRELA skrebedu na ALUPEC. Mas dianti, N atxa mas un otu outdoor di TELECOM skrebedu na ALUPEC... Enfin, persentajen di outdoors na nos lingua skrebedu na ALUPEC sa ta aumenta dia pa dia!
Istu e, enprezas di reklami dja ntende ma ka e normal kontinua ta skrebe nos lingua na bazi di livru "N TA ATXA" di Profesor Doutor Leigu. Ma pa es faze un reklami di KUALIDADI es ten ki ba djobe na livrus kuze ki sientistas ta rekomenda sobri ortografia di nos lingua. Un profesional ta akredita na siensia, non na livru “N TA ATXA” di Profesor Doutor Leigu.
Nos independensia dja nu TOMA dja! Kolonialistas, alienadus i ajentis di alienason, nu da-s tiru, po-s fora nos tera na 1975 dibaxu di es kanson "Katxor di 2 pe / si nhos ka kre / nhos ten ki kre / nos INDEPENDENSIA!"
Gosi, atraves di internet i, normalmenti, ku nomis falsu, es alienadus i ajentis di alienason ta ben ladra kontra esensia di nos kultura – LINGUA KABUVERDIANU sabi doxi! Nhos kontinua ta ladra na ladera! Ti ki nhos kansa, nhos ba txupa limon! Si kel la ka txiga-nhos, nhos ba da kabesa na paredi! Tudu pa sisi pabia nhos ka pode inpidi-nu di uza nos lingua na nos txon LIVRI, nen di uza-l di akordu ku siensia!
Ridikulu – modi nhos kre pa N skrebeba es artigu li? Na bazi di livru “N TA ATXA” di Profesor Doutor Leigu o na bazi di rekomendasons di sientistas aprovadu pa NOS Governu atraves di Dekretu-Lei nº 67/98, di 31 di dezenbru di 1998?! Mi e Mestri en Siensia (Ekonomia) pa Universidadi di Wyoming, Merka, ku media di notas, GPA, di 3.76 = 94% = 18.6/20. N ta akredita na SIENSIA i non na manias!
Na nves di kontinua ta fla idiotisis nun purtuges mariadu, nhos ba studa Dekretu-Lei 67/98 na site www.kauberdi.org/alupec.pdf o na site http://alupec.kauberdi.org/decreto-lei-67-98.html . Si nhos tene falta di tenpu, nhos pode spreta un rizumu na es site http://alupeckatentadju.blogspot.com/2008/08/bu-sabeba-ma-pa-skrebe-nos-lingua.html.
Uapu! Ka ten tadju!
Marsianu nha Ida padri Nikulau Ferera
5 comments:
Sta uns guentis alienadus que sat a screbe um monti di asnera e unico lugar qui es ta setadu pa es publica es trotchus e na LIBERAL qui nem ca sat a ruspeta se propi linha editorial. Dja es cria um latrina publico grandi pa ques jentinhas bai poi ses trotchus. É lamentavel.
Agradecia se pudesse publicar este meu comentário que não foi publicado pelo editor do LIBERAL. Pessoal, fiquem sabendo que a censura funciona no LIBERAL.
Sabemos que Pedro Paulo não é o nome do real autor deste pesquim. O verdadeiro autor, trabalha na sombra e não da cara porque é mofino e cobarde. Mas é sobejamente conhecido por muitos, pois já tem publicado vários, desde o princpio, agora e para sempre, amém, e ficou tão famoso que quase ganhou o prémio nobel de mediocridade e conta ca si, bem como alguns meses na cadeia ou no manicómio. Mas ainda está com caso pendente no tribunal, o qual pode ser reactivado a qualquer momento, desde que haja matéria suficiente para tal. O que nos surpreende é que LIBERAL cria espaço para este fim promovendo calúnias, insultos pessoais, desrespeitando a sua própria linha editorial, a ponto de rejeitar e/ou censura alguns comentários com peso e conteúdo para a devida informação e formação dos prezados leitores.
Dr. Marciano ta skrebe, entendidus ta le, Dios na seu ta abensua, i parlamentaris na Kabu verdi ta aprova ALUPEC brevimenti pabia el e un alfabetu sinplifikadu, abensuadu, ki ta balansia tradison ku mudernidadi na ortografia di lingua di Povu Kabuverdianu. Dr. nho kuntinua, pa dianti ke kaminhu. Si nu sta dianti na luta, nu ka ta spia pa tras, nem pa ladu. Dexa kaxorrus ladra. Un dia es ta kansa sertu.
Bravo Marciano! Bo é um izemplo ki meste ser siguido. Bu intervenson tem forma e conteudo. Por isso, bu conberso tem valor e el ta obidu pa tudu alguem e pa tudu lado, e é sim qui el ta promovi nos lingua e nos alfabeto. Ques otus qui pensa ma é cu coba fedi, cu conta mintira, cu pisquim inventadu, cu insultu grátis cruzadu cu inveja, tempradu cu ódiu, qui es ta promovi nos lingua e nos cultura, enganado qui es sta. Pelu contrariu, es ta distrui ses propi cabeça. Quenha qui ca ta da cara, qui ta prifiri trabadja na sombra e na sucuru pamodi es é cobardu, es ca meresi otu cuza sinon disprezu di tudu classe intelectual caboverdiana. Nu ta mandas tudu pa aquela parti ... Quenha qui ca tem argumento valido e qui ta papia um comberso sem sustentabilidadi é ca parti di soluçon má di própi problema ...
Henrique Pina Cardoso escreveu no LIBERAL:
“Escreve-se por aqui umas "calapitchas" com nome de poema, copiados de não sei onde nem de quê. Assim dá gosto ler, e faz sentir cada verso correr nas veias como o sangue que nela corre. Os outros Inês são de facto, conversas de mato para "bitchos" digirirem, e para isso precisa de ter um estômago de trituradora de pedras. Sabe Inês é preciso ter vergonha. Essas gentes, compraram a vergonha chamada "lata ou latosa" no mercado de Sucupira e voaram para América do Norte como Doutores, pregadores e quejandos. No meu entender não passam de "futchintcheras".
A vida lá divide-se nos que são e nos dizem que são!”
Apoiado Henrique. Acertaste em cheio. É uma vergonha ver todos aqueles despejos que são publicados la. Resolveram deliberadamnete brindar os seus leitores com com loucuras, escarnios e maldizeres. Eu já não leio aquelas asneiras que o Sr. Henrique muito bem denunciou e escreveu. Abaixo as calapitchas, os bitchos com lata ou latosa, com estômago de trituradora de pedras, e sobretudo os vergonhosos Doutores futchintcheras que se formaram na Sucupira.
Post a Comment