Nha Bodi Sta Marradu

Pa Manuela Pina


N ka nesê pa N sofrê na nha bida
Nen N ka nesê pa N padisê

//

Kel últimu gritu ki N ta da
Ta fikâ sénpri na nha mimória

//

Kel sodadi ki N ten ta kabâ
Kel vontadi di sta pértu di nha kretxeu ta txiga fin

//

Di manera ki bu ta spia-m
Bo e kapaz di tra-m padás

//

Bo e livri di fazê kuzé ki bu krê na bu vida.
Ami, di-mê, dja sta fetu dja
Ó dretu ó tortu

//

Bu ka ta rabola más ki mi
Nen bu ka ten garganta móda mi

//

Óra ki bu odja-m, KORRÊ.
K-O-R-R-Ê
K-O-R-R-Ê
Po pé na mama kadera pa N ka pega-bu.

//

Es fra-bu ma mi e di Kobon
Má pé xuxu gó N ka ten.
Dja N branku dja!
Ka ten ki po ka ten ki tra.

//

Di li bu ka ta tra-m
Mi N sta li di pasaji.
Djobê na bu fidju,
Naun di argen.
Nha bodi sta marradu,
Língua grandi.