Pa Agnelo A. Montrond
Dedikatória: Pa meditason y reflekson di tudu pulítikus kabuverdianu y naun só.
E la Pilaxu karkuti-l; Txaputi-l
E la mui-l; Morde-l
Aseiti Pilaxu, trotxa-l; Piza-l; Dispreza-l; Rafodja-l; Insulta-l; Sukundi bu pedreja-l;
E si própi Pilaxu, Xuxa ku el; Spreme-l; Nheme-l; Lonba-l;
Pilaxu, artikula bu fla ma e el ki mata Kabral; Leba-l pa tribunal;
Kuspi-l na rostu di LIBERAL; Ka bu Libra-l; E si própi Pilaxu, bu ten mural;
Pilaxu bu ten graxé; Inxina mosinhus es kuza e modi;
Panha ses fótus bu poi tudu kabésa baxu; Poi tudu ses fótu na ladera;
Dipos po-s tudu na rubera; Inverte-s moku; Reduzi-s fépu a insignifikanti;
Frega pé riba d’es; Fura-s odju; Po-s rabu; Po-s skangadja; Da-s ku spóra;
Inxina mosinhus modi ki ta fazedu pulítika;
Pilaxu, kel Santu ki garda-l ki ta garda-bu tanbe; Txoma-l di Burru na parlaméntu;
Txoma-l di Mintirozu na ladera;
Isu bá Pilaxu, karkuti-l; Panha na algen bu poi tudu só na el; Kaba ku el; Koba-l só fédi
Funda-l mon; Da-l n’obidu;
E si própi Pilaxu, bo e bodóna; Po-l tudu érru ki ten na mundu; Inxina mosinhus es kuza e modi; Tra-l ku bara marmélu; Po-l tudu érru ki ten na mundu ;
Pilaxu bo e di koraji; Da-l ku pó na bazidja; Baza-l pó; Lonba-l pó na tópi; Xikótia-l kósta ku xikóti kabal marinu; Faze-l aleluia; Mata-l djuda;
Pilaxu, bo bu ka ten médu; Txoma-l di ladron; Fla-l ma el e fidju di koitadu ki rakise na kakusta; Intxi-l só di kurruptu; Faze-l bióku; Toka-l lata; Unhi-l kadera; E kel k’el merese; El ka bu nétu nén e ka nétu di bu batatera; Kasa-l piskós; Po-l travu; Sonda-l, bu da ku el na txon; Marafusta na el; Da-l kabesada; Txoma-l bitoku; Txoma-l …
Dipos gó, Pilaxu, bu ta xagua bu bóka fédi ku agu skóntra, bu ta toma frésku na bentu-l ventuinha, bu ta bisti fatu, bu ta poi gravata, bu ta troka konbérsu y bu ta papia só partuges na kanpanha y bu ta ben tenta ngana koitadu povu ki bu ta pensa ma e dodu. Nganadu ki bu sta, seu Pilaxu. Spéra bu ta ben odja na 2011 ma povu e spertu y el sabe skodje. E li mé ki nu sta, Pilaxu. Kontinua … Pa dianti ki e kaminhu.
Agnelo A. Montrond
Dedikatória: Pa meditason y reflekson di tudu pulítikus kabuverdianu y naun só.
E la Pilaxu karkuti-l; Txaputi-l
E la mui-l; Morde-l
Aseiti Pilaxu, trotxa-l; Piza-l; Dispreza-l; Rafodja-l; Insulta-l; Sukundi bu pedreja-l;
E si própi Pilaxu, Xuxa ku el; Spreme-l; Nheme-l; Lonba-l;
Pilaxu, artikula bu fla ma e el ki mata Kabral; Leba-l pa tribunal;
Kuspi-l na rostu di LIBERAL; Ka bu Libra-l; E si própi Pilaxu, bu ten mural;
Pilaxu bu ten graxé; Inxina mosinhus es kuza e modi;
Panha ses fótus bu poi tudu kabésa baxu; Poi tudu ses fótu na ladera;
Dipos po-s tudu na rubera; Inverte-s moku; Reduzi-s fépu a insignifikanti;
Frega pé riba d’es; Fura-s odju; Po-s rabu; Po-s skangadja; Da-s ku spóra;
Inxina mosinhus modi ki ta fazedu pulítika;
Pilaxu, kel Santu ki garda-l ki ta garda-bu tanbe; Txoma-l di Burru na parlaméntu;
Txoma-l di Mintirozu na ladera;
Isu bá Pilaxu, karkuti-l; Panha na algen bu poi tudu só na el; Kaba ku el; Koba-l só fédi
Funda-l mon; Da-l n’obidu;
E si própi Pilaxu, bo e bodóna; Po-l tudu érru ki ten na mundu; Inxina mosinhus es kuza e modi; Tra-l ku bara marmélu; Po-l tudu érru ki ten na mundu ;
Pilaxu bo e di koraji; Da-l ku pó na bazidja; Baza-l pó; Lonba-l pó na tópi; Xikótia-l kósta ku xikóti kabal marinu; Faze-l aleluia; Mata-l djuda;
Pilaxu, bo bu ka ten médu; Txoma-l di ladron; Fla-l ma el e fidju di koitadu ki rakise na kakusta; Intxi-l só di kurruptu; Faze-l bióku; Toka-l lata; Unhi-l kadera; E kel k’el merese; El ka bu nétu nén e ka nétu di bu batatera; Kasa-l piskós; Po-l travu; Sonda-l, bu da ku el na txon; Marafusta na el; Da-l kabesada; Txoma-l bitoku; Txoma-l …
Dipos gó, Pilaxu, bu ta xagua bu bóka fédi ku agu skóntra, bu ta toma frésku na bentu-l ventuinha, bu ta bisti fatu, bu ta poi gravata, bu ta troka konbérsu y bu ta papia só partuges na kanpanha y bu ta ben tenta ngana koitadu povu ki bu ta pensa ma e dodu. Nganadu ki bu sta, seu Pilaxu. Spéra bu ta ben odja na 2011 ma povu e spertu y el sabe skodje. E li mé ki nu sta, Pilaxu. Kontinua … Pa dianti ki e kaminhu.
Agnelo A. Montrond
No comments:
Post a Comment