UM EVENTO CULTURAL ESPECIAL NOS EUA

Pa Nanette Baines*

BRIDGEWATER - EUA –, 06 Março - Os estudantes do curso de língua cabo-verdiana, ou seja Kriolu cabo-verdiano, que está sendo leccionado pelo professor cabo-verdiano Agnelo A. Montrond, foram cordialmente convidados a participar num evento cultural especial, patrocinado pela Associação Cabo-Verdiana dos Estudantes da Universidade Estatal de Bridgewater, segunda-feira dia 25 de Fevereiro, pp, do corrente ano. A presidente e líder daquela organização universitária estudantil, Alexandra DePina, usou da palavra para desejar boas-vindas e agradecer aos participantes do evento. De seguida, apresentou o orador e convidado de honra, o professor Agnelo A. Montrond, um líder da comunidade cabo-verdiana, que lecciona a língua cabo-verdiana no Colégio Comunitário Massasoit em Brockton, e também na Universidade Estatal de Bridgewater, em Bridgewater.

Na qualidade de membro do pessoal dos serviços de admissão do Colégio Estatal de Bridgewater, e também como estudante da língua cabo-verdiana, achei por bem participar do evento em apreço, como um mais-valia e mais uma oportunidade para aprender mais sobre o rico legado cultural dos estudantes cabo-verdianos e não só, mas também de todos aqueles que preferem o Colégio Estatal de Bridgewater, para continuar e /ou aprofundar os estudos. O professor Montrond, aquando da sua intervenção, começou por fazer a sua própria apresentação e convidou os participantes a fazerem o mesmo. Devo dizer que já tinha aprendido o suficiente na minha aula de Kriolu cabo-verdiano, e foi com alguma satisfação que fiz a minha apresentação em Kriolu, o que encantou o meu professor assim como a plateia dos participantes do evento.

O professor Montrond louvou o grupo pelo trabalho que vem fazendo, e também estimulou os membros daquela associação a apostar na comunidade cabo-verdiana como um valioso recurso. Ele sugeriu à Presidente da Associação Cabo-Verdiana dos Estudantes da Universidade Estatal de Bridgewater, Alexandra DePina, e aos demais presentes, para pensarem em organizar eventos daquela natureza e envergadura, pelo menos uma vês por mês, convidando pessoas entendidas na matéria para falar e compartilhar algo sobre a cultura, história, e costumes dos cabo-verdianos.

O professor Montrond começou a sua intervenção com uma pergunta de difísil resposta: "O que significa ser cabo-verdiano ou cabo-verdiano-americano?" Parece ser uma pergunta bastante simples; contudo, a verdade é que a resposta pode ser muito complicada, dependendo com quem está-se a falar. Mesmo para os elementos do grupo, não foi fácil responder, sem primeiro tomar um momento para pensar e reflectir nas suas experiências pessoais. O professor Montrond passou em revista algumas razões por que alguns cabo-verdianos trilharam o caminho para os Estados Unidos e falou também do processo da naturalização através do qual a cidadania americana é obtida. Ele disse-nos e congratulou as autoridades americanas implicadas, que é possível para um cabo-verdiano ou um outro imigrante qualquer, que possa satisfazer critérios de isenção como sejam a idade, o tempo de residencia nos EUA, problemas de aprendizagem devidamente documentados por atestados médicos, etc, obter a cidadania americana sem ter um verdadeiro comando da língua inglesa. Ele também falou sobre a dupla cidadania a que os cabo-verdianos legalmente têm direito (dois passaportes).

Falando de língua, o professor Montrond fez uma breve referencia a esforços contínuos que vem sendo feitos no sentido de o Kriolu e o Português virem a ser considerados como as duas línguas oficiais em Cabo Verde. Se você visitar o portal forcv.com, na secção fórum sobre a nossa língua, você poderá ler o que algumas pessoas pensam sobre essa matéria. É óbvio que esta questão não será resolvida ainda na próxima semana.

O professor Montrond falou-nos de alguns famosos cabo-verdianos-americanos e apresentou-nos um breve perfil de cada um desses homens. Naquela lista dos famosos, constou um nome que reconhecemos de imediato: o Doutor Dana Mohler-Faria, presidente do Colégio Estatal de Bridgewater.

Um dos momentos mais altos do evento que durou cerca de uma hora, foi quando o professor Montrond compartilhou connosco um pouco da cultura e dos costumes dos cabo-verdianos. Ele enfatizou o facto de que os cabo-verdianos são honestos e muito dedicados ao trabalho. Ele ilustrou alguns exemplos do que é considerado normal na cultura cabo-verdiana, mas não na cultura americana. Acrescentou que enquanto em Cabo Verde é normal um professor dar uma boleia a um aluno, não se recomenda o mesmo aqui nos Estados Unidos da América. Em certas circunstâncias, deveria-se evitar abraçar ou tocar em alguém aqui na América. No entanto os cabo-verdianos gostam de apertar e abraçar uns aos outros, como forma normal de saudação. Para os cabo-verdianos falar e apontar com o dedo não é necessariamente um sinal de raiva, como seria erroneamente interpretado por um americano - normalmente o volume da voz sobe, se se tratar de uma atitude deliberada.

Foi mesmo uma boa tarde. Alexandra DePina informou-nos sobre outros eventos culturais que estão sendo patrocinados pela Associação Cabo-Verdiana dos Estudantes da Universidade Estatal de Bridgewater, esta semana. Fiquei contente por ter conseguido assistir ao evento - a única coisa que eu teria gostado era de poder apreciar um pouco de Kanja e de Katxupa!

*Nanette Baines - Directora adjunta, serviços de admissão — Bridgewater State College, Estudante de Kriolu cabo-verdiano - LACV 101-001 - Elementary Cape Verdean Creole

Traduzido/interpretado da versão inglesa original, por Agnelo A. Montrond

SINPATIA Ó ANTIPATIA PA ALUPEC?

Agnelo A. Montrond


Nu ta rapara ku algun priokupason ma kabuverdianus sta divididu: tantu na Kabu Verdi komu na stranjeru, ten divizionismu pulitiko-partidáriu: uns ta torsi pa MPD, otus pa PAICV, y k’es otus pa UCID; ten rijionalismu ó seja bairrismu entri Sanpadjudu y Badiu; ten distinson entri algen di fóra y di sidadi; entri algén di Ponta Belén y algen di riba Praia; enfin …

Sima ki tudu kela ka basta, inda nu sta divididu en relason a várius otus aspétus ki devia uniba nos. Nos lingua matérnu é un d’es. É priokupanti nota ma kabuverdianus sta divididu en relason a nos lingua di bérsu, ki é Kriolu. Ten uns ki ta fla ma Kriolu é ka lingua, nen m’é ka podi ser lingua pamodi é dialétu di purtugês. Otus ta fla ma é lingua má só papiadu pamodi Kriolu ka ta skrebi nen é ka podi ser skrebedu pamodi Kriolu ka ten régra. Y óras ki es fladu ma dja ten régras, ma alfabétu ALUPEC dja foi aprovadu y gósi el é ofisial, es ta rispondi y es ta fla ma ningen ka ta inxina-s skrebi Kriolu pamodi ningen ka podi sabi Kriolu más di ki es: es nasi ta papia Kriolu purtantu es sabi tudu sobri Kriolu y es ka ten nada a prendi di ningen.

Ka foi fetu ninhun studu inda, má tudu ta indika ki txeu di k’es ki ka ta konxi ó ki ka ta prokura konxi prupósta di Dr. Manuel Veiga y di más ilimentus di grupu ki studa y fazi prupósta di modu operandis di padronizason di Kriolu, é kóntra ALUPEC, sén es sabi kuzé ki é ALUPEC. Pa más stranhu ki ke-li podi ta parsi, é un lójika ki poku algen ta intendi. N mensiona lójika, má lójika é ka podi ser pamodi é un konkluzon ki es ta txiga atoa sen ninhun tipu di rasiusíniu y sén uza ninhun dadu ó informason inda ki seja ipotétiku. Si ka for pur isu, anton nu ten ki adimiti ma é pamodi es ten antipatia pa ALUPEC. É ka podi ser otu kuza. Y kel antipatia é infundadu y insustentadu. Inda más, ten otus ki pa fanatismu es ka ta aseita ALUPEC y es ta papia só purtugês ti ki es ta ratxa tudu fódja di gramátika di José Maria Relvas. Alguns individus sta pre-distinadu a rijeita ALUPEC y es ka krê sabi di más nada. Txeu, nen siker sta interesadu na prendi ALUPEC. Es ka nén ta inporta ku prukura sabi ALUPEC é kuzé y es ta insurji lógu kóntra y pontu final. Es tipu di atitudi y predispozison kóntra ALUPEC sén persebi na fundu kuzé ki é ALUPEC é ka kurrétu. Infilismenti é ke-li ki é nos realidadi tantu na Kabu Verdi komu na diáspura.

Nos tudu djuntadu, nu debi prokura inspira pisoas a tenta konxi bazis di ALUPEC y konpara ALUPEC ku alfabétu purtugês antis di es prunúnsia sobri validadi y funsionalidadi di ALUPEC. N ta da nha kontributu y N ta spéra ma kada un di nos, nu ta kunpri nos dever di prendi, inxina otus y divulga ALUPEC. Má ke-li só é pusível ku boa vontadi y interesi na diskubri segrédu ki ALUPEC ta uza pa sinplifika skrita di Kriolu di Kabu Verdi. Inda nu ta bai un bokadinhu más lonji y nu ta fla ma ALUPEC podia até ser uzadu pa sinplifika skrita di própi purtugês, si purtugezis rizolveba na utiliza-l komu ses alfabétu.

Nu ta aprezenta di sigida, un brévi sinópsis sobri ALUPEC.

ALUPEC é abreviason en purtugês de Alfabeto Unificado Para a Escrita do Cabo-Verdiano.

Alfabétu ALUPEC é konpostu pa siginti létras y dígrafus:

A, B, S, D, E, F, G, I, J, DJ, L, LH, M, N, NH, O, P, K, R, T, U, V, X, TX, Z

Li nu mostra 21 létras y 4 dígrafus.

Ten un ki nu ka mostra li, létra ñ, ki é uzadu pa skrebi alguns palavras (uzadu pa gentis di interior di Santiagu) na varianti di Santiagu.

Es alfabétu é funétiku-fonolójiku pa un razon mutu sinplis ki é sinplifika skrita y ivita ki mininus ki ta bai prende skrebi Kriolu na skóla da erru. Má di ki manera ki el ta sinplifika skrita? Respósta: un son ta reprezentadu sénpri pa mesmu létra y nãu pa dôs ó três létra sima na purtugês y otus linguas ki é etimulójiku. Kabu Verdi y kabuverdianus debi da abertura y aseita manera sinplis di faze kuzas. Nu ka debi sta alienadu ó fika refén di kuzas di nos gentis di pasadu ki é kunplikadu pur kistons imutivus ó pa paixon. Si antis ta ratxada pédra ku madju na Kabu Verdi oji ta uzadu mákina pa sinplifika kel trabadju. Y si algen ta insisti na kuntinua ta ratxa pédra ku madju seja pa ki razon fôr, anton algun kuza debe sta tortu ku es algen. Ben, voltandu a manera ki ALUPEC ta sinplifika skrita di Kriolu, N ta kontribui ku siginti iliméntus:

0. Létra o ka ta uzadu na Kriolu pa reprezenta son /u/. Ta uzadu létra u pa reprezenta son /u/. Pur isu na Kriolu ta skrebedu ratu en vez di rato. Si inventoris di abcedário purtugês tinha pensadu di es manera nen na purtugês ka ta uzada o pa riprezenta son /u/.

1. Létra e ka ta uzadu na kriolu pa reprezenta son /i/. Na Kriolu ta skrebedu névi en ves di neve. Si inventoris di abcedário purtugês tinha pensadu di es manera nen na purtugês ka ta uzada e pa riprezenta son /i/.

2. Sima nhos debi ter raparadu, létra c ka ta uzadu na ALUPEC pamodi son ki el ta reprezenta na purtugês é tanbê reprezentadu pa s sima na kazu di palavra cinco y pa k sima na palavra carta. Na Kriolu ta skrebedu sinku y karta. Si inventoris di abcedário purtugês tinha pensadu di es manera nen na purtugês ka ta tinha c pa reprezenta son /s/ ó son /k/.

3. Létra ç ki ta uzadu na purtugês pa reprezenta son /s/ ka ta uzadu na Kriolu. En ves di aço ta skrebedu asu. Si inventoris di abcedário purtugês tinha pensadu di es manera nen na purtugês ka ta uzada ç pa riprezenta son /s/.

4. Tanbê, h ka ta uzadu na ALUPEC. É un létra mudu ki é ka nesesáriu pamodi é ka ta reprezenta ninhun son. Si inventoris di abcedário purtugês tinha pensadu di es manera nen na purtugês ka ta tinha h. Uza un létra fantasma ki ka ten ninhun valor y ki ta sta na un palavra só pa intximéntu, sima ki alguns Kriolistas Klaridozus faze, oji ka ta uzadu nén própi na purtugês ki ku ses nóvu akordu ortográfiku, skrita di purtugês ta aproxima txeu di skrita di Kriolu en ALUPEC.

5. Dígrafu dj é dôs létra ki ses son ta kola na kunpanheru sima na palavra djagasida. Keli é ka prubléma. Tudu algen ta skrebe djagasida ku dj. Es dígrafu é konsensual.

6. Léra q ka ta uzadu na ALUPEC pamodi son ki el ta reprezenta é kel mesmu son ki k ta reprezenta. Y létra q é un létra kobardu ki ás vezis ka ta sta el só. El ta sta sénpri kunpanhadu di u. Dígrafu qu ta uzadu pa reprezenta mesmu son ki létra ka ta riprizenta. Y komu nu kre pa un son ser reprezentadu sénpri pa mesmu létra nu ka mesti qu na Kriolu. Si inventoris di abcedário purtugês tinha pensadu di es manera nen na purtugês ka ta tinha qu.

7. Létra x ta reprezenta só son ki ch ta reprezenta na purtugês. Pur izénplu xavi na Kriolu ki ta skrebedu chave na purtugês. Pamodi ki ta uzadu x, y nãu ch na Kriolu? Rispósta:
1) komu ka ta uzadu c na Kriolu é lójiku ki ch tanbe ka debi uzadu;

2) en ves di dígrafu ou seja dôs létra pa reprezenta un son, un létra é más ikunómiku.

8. Dígrafu tx ta reprezenta son ki txeu algen ta reprezenta pa tch. É más ikunómiku uza dôs létra en vês di três pa reprezenta kel son. Asin, en ves di pintcha nu ta fika ta skrebi pintxa. Nu lénbra ma komu létra c ka ta uzadu, tch lójikamenti ka debi uzadu.

9. Kada un di k’es 25 létras y dígrafus di ALUPEC ta reprezenta un son diferenti, má sénpri, konsistenti y sistemátikamenti un mesmu son. Na ALUPEC un mesmu létra ka ta reprezenta más di ki un son, sima na purtugês. Na ALUPEC ka ta uzadu ss. En vez di associação ta skrebedu asosiasãu. Keli é un kiston di lójika matimátika: uza ss, s, y ç pa riprizenta kel mesmu son na kel palavra la ka ta fazi sintidu. Objetivu di uza-s é kunfundi mininu kabésa. Nos nu krê é sinplifika skrita y bira-l fásil pa mininu skrebi sen da érru.

10. Alguns létras ki ka ta figura na alfabétu ALUPEC sima c, h, q, w, y podi ser uzadu na skrita di Kriolu Kabuverdianu pa abreviason di unidadis uzadu na sistéma internasional di mididas y ses derivadus, sima cm (sentímitru) , hm (ekitómitru), kw (kilouóti), etc.

Na es tabéla li-di-baxu, nu ta aprezenta un análizi konparativu y di kontrasti entri ALUPEC y alfabétu etimolójiku ki purtugês y otus linguas latinu ta uza:

Prumeru palavra (diriba) é na Kriolu di Santiagu y sugundu (dibaxu) é na Purtugês

Kaza (k en vês di c y z en vês di s)
Casa

Galinha
Galinha

Jinástika (j en vês di g y k en vês di c)
Ginástica

Oji (h ka mesti, i en vês di e)
Hoje

Kuartu (k en vês di q y u en vês di o)
Quarto

Xavi (x en vês di ch y I en vês di e)
Chave

Aneksu (ks en vês di x y u en vês di o)
Anexo

Asu (s en vês di ç y u en vês di o)
Aço

Asuntu ( s en vês di ss y u en vês di o)
Assunto

Prósimu ( s en vês di x)
Próximo

Xadrês ( son /x/ transforma en son /s/)
Xadrês

Matris ( son /x/ transforma en son /s/)
Matriz

Djuga
Joga

Txuba (en vês di tchuba)
Chuva

Ilha
Ilha


N ta spéra ma es tabéla ta sirbi pa djuda kualker algen ki sabi skrebi na purtugês y ki ta papia Kriolu Kabuverdianu pa kumesa ta skrebi na Kriolu uzandu ALUPEC. N ta apruveita pa lansa un dizafiu a kabuverdianus pa prendi skrebi Kriolu uzandu ALUPEC y inxina pelu ménus un otu kabuverdianu a fazi mesmu kuza. Si keli kontisi anton nu podi fla ma ofisializason di Kriolu dja ka ta ten tadju y sonhu di Dr. Manuel Veiga dja ta bira rialidadi.

Agnelo A. Montrond

KRIOLU É NOS MATRIS!

Nos língua é kriolu.

El é nos língua di bérsu y é nos raís.

Nu ta papia-l ku língua lebi pamó el sta-nu na miolu,

Y nen si Luís De Camões staba bibu é ka ta kurrijiba nos kriolu.

PURTUGÊS PA NOS É UN LÍNGUA STRANJÊRU!

Pamodi é só na skóla ki nu ta inxinadu papia un lamiré di purtugês.

Y só skóla ka ta txiga pa txeu kabuverdianus prendi papia purtugês, pamodi pa nos é un língua stranjêru.

Má alguns, pa bazofaria ó pa grandeza, armadu en bon ó en intelektual, es ten mania di papia só purtugês.

Y ten otus ki ta tâtia ó ta tuntunha na purtugês. Má simê es ta arma en brajêru, y ku txeu ixforsu es ta fla “Bom dia. O senhor está boa?”

Armadu en grandi y más grandi ki ses própi êrru, es ta ratxa tudu fódja di gramática José Maria Relvas, en vês di disliza na gramátika di Manuel Veiga y papia kurétamenti.

Alguns ta prifiri fla: “Ele é que me bambuva”, ku un karga pizadu di êrru na kósta, só p’es ka fla na kriolu: el é ki ta banbuba mi.

Un bês na Fogu, N obi algen ta fla: “Ó Txuli, panha-m kel salidoru, kel karman, kel buli y kel bulu, bu pindra-s na kambilitxi”. Ku tudu sinplisidadi di un Djarfogensi, N ta dizafia algen pa traduzi-l na purtugês, na inglês ó na kualker otu língua.

Nos sabedoria popular ta fla: Kumida ki bu ndjutu ki da-bu omi.

Di mésmu modi nu ta fla: língua kriolu ki bu ta ndjutu ki ta fasilita-bu kumunika ku bu povu.

EUGÉNIO TAVARES, KU KORAJI DI PUÉTA, SKREBI KRIOLU NA ÓRA DI BAI!

Manuel D’Novas inspira y el konpozita distinu di un kriolu.

Luís Morais intxi petu di orgulhu y el sopra sufriméntu di kriolu.

Ildo Lobo kanta labanta brasu bu grita bu liberdadi y el é venerason di tudu kriolu.

Cesária finka pé na txon d’algen na k’es kuatu kantu di mundu y el kanta na kriolu.
Violon di Humbertona txora sodadi di kabu Verdi na konpasu kriolu.

Tito Paris ku se vós ínpar, kanta magua di “Ken moxtra-bu es kaminhu lonje” ku finason di kriolu.

Violinu di Linkin, altu na palku, gemi Talaia Baxu na ré menor y el toka alma di nos tudu k’é kriolu.

Katxas da vultu y idealiza funaná ku “Ó mundu ka bu kaba! Dja-m branku dja.”

Gaita di Minó di Mámá badjadu ku briu na Galinheru ki ten galu trinta y galinha korénta.

Nha Nasia Gomi rapika txabeta y Santiagu da ku tornu.

DIZAFORU TA DADU NA KRIOLU!

Ta kurkutidu na kriolu,

Kobadu algen na kriolu,

Rafodjadu na kriolu

Labantadu alébi na kriolu,

Festejadu na kriolu,

Txoradu nos finadu na kriolu.

NU TA PASA SABI NA KRIOLU!

Na kriolu nu ta badja funaná ku briu na korpu,

morna ku konpasu na pé,

koladera sen xatisi,

mazurka ku pé altun txon,

valsa ku dama na petu,

paravanti ku mon na kartera,

y xotis sen mantxontxa.

Mudjeris ta da ku tornu y ta disperta-nu atenson.

Ti ki Zeka di Nha Reinalda ta kanta funaná ta da-nu gana djata.

Ma ti ki nu ta obi vira ta da-nu gana sopra txon y deta.

Fádu di Amalia Rodrigues ta da-nu sonu.

SABURA É NA KRIOLU!

Nu ta atxa katxupa sabi.

Longisa ta korta-nu agu na bóka.

Grogu ta sperta-nu sangi na korpu.

Kuskus ku mel ta ndoxa-nu bóka.

Sinbron é nos dropis.

Midju iladu é nos pipókas.

Toresma é nos ajunta.

NOS BURRU É NOS KONBOIU!

Kalsa kaki y kamiza dril é nos fatu.

Nos pé na txon ka mesti sapatu.

Nos inxada é más ki trator.

Nos midju na bidon é nos rezérva.

Nos poti é nos jiléra.

Nos lenha é nos konbustível.

Nos kafuka é nos lâmpada fluoresenti.

Nos sistérna é nos posu.

Nos Kabu Verdi é más ki própi Mérka, Olanda, ó Fransa.

Pobri má ki nu krê mas txeu ki tudu.

Agnelo A. Montrond

Nilton/Fernandinho: Qual é a Melhor Opção para os Mosteiros?

Agnelo A. Montrond

BROCKTON - Compete ao eleitorado mosteirense dar resposta a esta questão no dia 18 de Maio, pf. Por agora ela é de natureza duvidosa. Entre a continuidade ou a mudança ainda reina alguma dúvida e indecisão. Entre a experiência e a competência oscilam o militantismo, o fanatismo e o amor aos partidos políticos, a saber, o PAICV e o MPD, as duas maiores formações partidárias no país. E entre gerir, admnistrar, ou liderar o concelho dos Mosteiros bem como a sua extensão na diáspora há que haver posicionamentos inequívocos. E Mosteiros precisa de uma visão a longo prazo reflectida no seu plano director de desenvolvimento. Há que promover sinergias para pensar o Mosteiros do futuro. O visionário de que Mosteiros precisa deverá ser capaz de ver para além do horizonte espacial e temporal à frente do nariz …

Tanto o militantismo como o fanatismo político-partidário conhecem novos contornos no contexto eleitoral moderno que se vive actualmente nos Mosteiros, aliás um pouco por todo Cabo Verde. A derrapagem não é um fenómeno novo. Acontece de ambos os lados. No Fogo, acredita-se que já não se vota no fulano, sicrano ou beltrano, só porque é deste ou daquele partido. Hoje o eleitorado mosteirense é capaz de ver e observar, ouvir e auscultar, e tomar o pulso aos concorrentes aos paços daquele concelho. Se as coisas já são outras, também as pessoas já não são as mesmas.

O desenvolvimento socioeconómico, o empoderamento dos recursos humanos, adicionados à infra-estruturação do concelho, poderão ter efeitos imprevisíveis no dia 18 de Maio. Entre a continuidade e a experiência, a mudança e a competência existe um risco estocástico a ser desvendado através de um processo experimental que se queira fiável e exacto. Se for esse o sufrágio que se quer, alertamos os responsáveis desse processo, que isso não coaduna com fraudes eleitorais. Essa preocupação suscita alguma dúvida, por razões que escusamos invocar aqui e agora. E não estaremos sós nesta penumbra duvidosa.

Os quadros, activistas, líderes, membros de confissões religiosas e políticos mosteirenses ainda muito pouco ou quase nada pronunciaram sobre esta importante decisão que os eleitores terão que tomar no próximo dia 18 de Maio, pf. Tal decisão para que seja informada exige dos protagonistas nesta corrida eleitoral, uma postura serena e pedagógica. As acusações mútuas perpetradas por ambas as partes, contribuem para semear mais dúvidas do que outra coisa. E duvida-se se o eleitorado estará esclarecido no momento da votação. O eleitor mosteirense risca de ser manipulado pela situação que ora se instalou e difícil será votar em consciência, com inteligência e determinação se até lá essas acusações de corrupção não forem resolvidas pelas autoridades competentes na matéria.

A grande questão que se coloca, é quem beneficiará desta dúvida reinante na mente das pessoas. O candidato da situação ou o da mudança? Talvez um urgente debate público entre os dois candidatos, que julgamos ser de extrema importância, trará uma melhor visibilidade aos eleitores sobre essa matéria. Assim, um frente a frente entre o Sr. Fernandinho Teixeira e o Sr. Nilton Rodrigues assevera-se imperativo. Que ganhe o melhor que nesse dia sera coroado com as bênçãos da Nossa Senhora de Fátima. Quanto ao derrotado, este deverá demonstrar estoicidade incondicional.

Agnelo A. Montrond

Das Autárquicas Em S. Filipe: Qual É A Melhor Opção?

Agnelo A. Montrond

“Pápa kenti ta kumêdu di bórta;
kurrida-l bésta é tê pé di monti;
só monti ku monti ki ka ta tapâ”

Assim reza a sabedoria popular da ilha do Fogo.

Aquele, cuja estratégia e táctica consistem em tentar fintar o eleitorado e o futuro do concelho de S. Filipe, não é a resposta certa à questão que ora se coloca com alguma pertinência e equidade aos eleitores S. Filipenses.

O concelho de S. Filipe merece do bom, do melhor, e do super. Mas precisa de todos. De todos e sem excepção, incluindo os menos bons, e os medíocres. Todos em massa, os de Bila assim como os de fora, imbuídos do espírito de equipa, cooperação e colaboração, erguidos em defesa dessa justa e nobre causa. Basta de prepotência e do sedentário individualismo político-partidário. Essas não são qualidades nem virtudes do líder que S. Filipe precisa. S. Filipe reclama um verdadeiro líder, com uma postura suprapartidária, capaz de inspirar liderança do topo à base, e vice-versa. E esse líder não se esgota na ligeireza política nem no rótulo do autoproclamado salvador independente, mas deve ser sim o garante de uma visão de unidade na diferença, e de uma independência pragmática e proactiva. É preciso liderar o município tanto do interior como do exterior. Influenciar positivamente o poder central e tirar dividendos para o desenvolvimento local. Importa frisar que ningém sozinho sabe ou é capaz de fazer aquilo que todos nos sabemos ou somos capazes de fazer juntos. Assim porque não promover actividades e intercâmbios com quadros da diáspora no sentido de globalizar a participação de todos os foguenses para reflectir e perspectivar o Fogo do futuro.

Porém, importa entender quais os verdadeiros motivos que tem movido os candidatos a presidente de algumas câmaras em Cabo Verde a desfilar na comunidade nesta época. Somos realmente o centro do poder e o “Wall Street” da Praia. Tudo se decide aqui na metrópole cabo-verdiana. Nova Inglaterra é o verdadeiro capital humano e administrativo de Cabo Verde. Praia é a outra capital. Então respeito é-nos devido. E alertamos que não admitimos ser rotulados de emigrantes ou cabo-verdianos de segunda quando formos de férias, concorrer para cargos políticos, ou investir no país. Que fica escrito e gravado na nossa memória colectiva que não há cabo-verdiano mais do que o próprio cabo-verdiano, esteja ela ou ele a residir no arquipélago ou na diáspora.

Coincidência a parte, interroga-se se haveria alguma correlação entre esses frequentes eventos e as eleições autárquicas que se aproximam. Será o objectivo dessas visitas angariar votos, arrecadar verbas, ganhar “momentum” ou seja inércia, e estimular a influenciação do sentido de votos em Cabo Verde? Porquê tanto interesse pelos EUA com tantas visitas eleitoralistas? Até parece que querem transformar a nossa comunidade num palco de teatro onde cada um vem fazer o seu espectáculo, dizer a sua verdade e acusar a mentira dos outros. Mas afinal como levantar a indeterminação e separar as águas entre a verdade da mentira e a mentira da verdade? Estou certo que não estarei sozinho neste imbróglio entre a veracidade da mentira da verdade e a falsidade da verdade da mentira. O eleitor tem uma batata bem quente à sua espera na urna, no dia 18 de Maio, pf. Mas no Fogo costuma-se dizer que “pápa kenti ta kumedu di bórta”. Talvez seria essa a estratégia mais adequada. Diga-se de passagem, que o sistema autárquico democrático moderno exige uma alternância saudável rumo a um novo ciclo político de desenvolvimento integrado, harmonioso e equilibrado.

O eleitorado foguense deverá escolher indubitavelmente entre a mudança ou a continuidade. Neste particular, os conceitos de mudança e continuidade emprestam subconceitos que importam analisar profundamente e entender as suas “nuances”. O eleitor atento deverá ser capaz de distinguir entre continuar “tout court” e renovar para continuar. Também deverá lembrar que apoiar a continuidade de quem errou é cometer um erro ainda maior. Assim sendo, a escolha acertada deverá incidir no candidato que melhor demonstrar seriedade política e integridade humana. Não se desenvolverá S. Filipe com falsas promessas. De falsos profetas S. Filipe não padece. Todo o cuidado é pouco para se estar ciente à militância disfarçada e de expediente. Todos sabemos que “kurrida-l bésta é tê pé di monti”.

Como diria o meu amigo de Bila, o Pêpê di Nha Téca, o el-rei todo poderoso e dono do Djarfogu, já não se contenta em ter apenas uma cidade limpa, mas sim uma cidade moderna e competitiva que não desvirtua o seu aspecto arquitectónico e histórico. S. Filipe aspira ser uma referência nacional e internacional, um orgulho de todos os foguenses espalhados pelos quatro cantos do mundo. Um pólo de atracção dos quadros e homens de negócios do Fogo. Uma cidade participada por todos os seus sublimes quadros e técnicos. Mas isso terá necessáriamente que passar por uma aposta forte no empoderamento dos mais jovens. Potenciar a juventude: criar mais oportunidades para os mais jovens a nível local, nacional e internacional. Zelar pela necessária sinergia e trabalho de equipa tanto na Câmara como ma Assembleia Municipal. Trabalhar em sintonia em prol do melhoramento da qualidade de vida de cada munícipe. Devemos evitar a todo o custo caluniar, silenciar, espantar ou diabolizar os que embora sejam os nossos opositores, têm algo a dar para o município. Se conjunturalmente não estamos no mesmo comboio, isso não significa que jamais poderemos viajar juntos. Como muito bem diz a sabedoria popular foguense, “só monti ku monti ki ka ta tapâ”.

Importa dizer não à vingança e à fraude eleitoral. Apelamos para uma campanha cívica e pedagógica, sem sobressaltos, onde não haja espaço para crispação ou rancor. Que o voto de cada eleitor seja consciente, informado e inteligente. O presidente eleito deverá assumir-se como o líder e o obreiro que irá servir bem a todos, fazendo mais e melhor, pautando por uma liderança inclusiva na condução dos destinos do município.

Agnelo A. Montrond

Dia Internasional Di Lingua Matérnu: Tema Di Konvérsa Na Rádiu Porton D’nos Ilha – Primera Parti

Brockton - Kinta-fera, dia 21 di Fevereru. Valdir Alves, enprezáriu y donu di prugrama televizivu Cabo Video, jornalista konseituadu, y lokutor di prugrama radiofóniku Porton Di Nos Ilha, na 97.3 FM, Rádio Globo, tevi un brilhanti y louvável inisiativa di didika parti di se prugrama a un konbérsu ku dôs konvidadu na studiu, y tanbê ku linha abérta pa ouvintis txôma y partisipa via telefóni, nakel konvérsa na undi ki tema éra: Dia Internasional di lingua matérnu.
Na studios staba konvidadus Anibal Silva y mi, Agnelo Armando Montrond.
N atxa ma é opurtunu konpartilha es konvérsa ku más pisoas ki podi ka ter sigidu kel prugrama. N ta spéra ma nhos ta gosta y ma nhos ta da nhos kontributu di akordu ku nhos konviksãu, má sen ofénsa ó insultu a ningen.

A sigir, N ta tranxkrevi kel konvérsa:

Valdir Alves: Anibal Silva nãu sendu propriamenti un linguista ou profisor, ta trabadja na un instituisãu di saudi. Mas seja komu fôr, el é un ómen di letras, un ómen di poezia, purtantu un ómen ligadu mutu a kultura linguistika y a literatura di un fórma jeral. Agnelo Armando Montrond, entri outras várias funções é profesor, nomeadamenti di ensinu bilingi, ki li na Stadus Unidus sta n’un fazi muitu dizenvolvidu. Pa nos konvidadus muitu boa noiti.

Agnelo Montrond: Boa noiti

Anibal Silva: Boa Noiti

Valdir: Talvês nu kumersa pa Montrond. Montrond u k’é ki ta signifika es dia di oji, dia 21 di Fevereiru moda es ta fla li sin na notísias, só pa-m sita un bokadu, dia internasional di lingua matérnu, selebradu a nível internasional. Primeras deklarasões di Montrond a es respeitu.

Montrond: Sin, N ta gostaba di kunprimenta ouvintis ki sta ta sintuniza prugrama n’es muméntu, expesialmenti kabuverdianus. N ta apruveita pa manda-s un abrasu di tamanhu di Kabu Verdi. Un abrasu di kada un di nos dés ilhas, desdi Brava a Santanton. É sin ki-m kria kunprimenta tudu falantis di Kriolu. Bu ten razãu Valdir, oji é un dia mutu inpurtanti, ki en prinsipiu debi ser asinaladu ku algun tipu di atividadi. N ta kongratula bu inisiativa di ka dexa pasa es dia dispersebidu, porki é dia ki nu debi refleti sobri nos lingua matérnu, nos lingua di bérsu ki é Kriolu. Ben, es inisiativa ben di ONU, organizason di Nasons Unidas, di ajénsia ixpesializadu k’é UNESCO, ki uns anus atrás rizolvi na kria un dia k’é pa refleti sobri lingua matérnu, pa valoriza, promovi, difendi y sobretudu pa fala sobri diversidadi linguistika y kultural ki é inpurtanti na mundu. Y objetivu é tenta fazi kon ki ivitadu ki linguas kontinua ta dizaparsi. Isu porki nu sabi ma lingua ki ta faladu agora na mundu é serka di seix mil y sétisentus, má txeu akaba pa dizaparsi. N ta gostaba di rifiri a faktu ki inísiu disu tudu kontisi na Bangladexi, na India, na undi ki sinku anu dipôs di ses independénsia, pisoas sai na rua ta manifesta pamodi es kria pa ses lingua biraba ofisial. Es foi konfrontadu ki tiroteius, y ouvi morti. Entãu a partir di kel data, fika markadau na kalendáriu, kel dia 21 di Fevereiru, komu dia internasiona di lingua matérnu. Só ki nos na Kabu Verdi, trinta y dôs anus dipôs di nos indipendénsia, nu ka sigi izénplu di Bangladexi. Ses lingua dja é ofisial, ma di-nos inda sta simi-ofisial. Sima nu sabi, konstituison di Kabu Verdi ta kontenpla na se artigu númeru nóvi, lingua Kriolu. Nu sta konta ma brevimenti, salvu érru, sugundu palavras di nos própi ministru di kultura, Doutor Mnuel Veiga, ma na prósimu rivizãu konstitusional, tenedu forti speransa ma lingua Kabuverdianu, finalmenti ta bira lingua ofisial.

Anibal: Izatamenti, moda Montrond fla nu ten ki difendi nos lingua. Purki nos lingua é nos identidadi. Y lingua pa mi é 75% di identidadi di un povu. Un povu ki ka ta fala se lingua, já dja-l perdi maior parti di se identidadi. Dai ki é bon ki nu manti nos lingua Kriolu, nos lingua matérnu, pa nu ka iskese-l y nen pa nu ka straga-l.

Valdir: Anibal, di akordu ku fórma ki adotadu pa skrebi kriolu ki é ALUPEC, Anibal dja sa ta prende-l, dja sta avansadu ku el?

Anibal: Bon, mi N sa ta skrebe-l un poku, mas ami inda N ka sta dentu di asuntu, má si el fôr ofisializadu, klaru ki N ta utiliza-l komu lingua y se fórma ofisial di skrebi. Mas na k’es prumeru puemas ki-m skrebi, N ka skrebe-s uzandu ALUPEC, mas n’es últimus N sa ta skrebe-s uzandu ALUPEC, mas ku alguns érrus, N ka sa ta skrebe-l perfeitamenti indu sigundu régras di ALUPEC.

Valdir: Un lingua ten ki ser ben skritu, el ten ki ten régras gramatikais. Kuandu ki Montrond ta fla ma el ta spéra ma brevimenti Kriolu ta ser ofisializadu. Mas Montrond, un lingua ki inda maioria di nos inda ka sabi skrebe-l, bu ta atxa ma el debi ser ofisializadu já?

Montrond: ALUPEC já é ofisial. Nu sabi ma sérka di dés anus atrás, konselhu di ministrus aprova ALUPEC komu alfabétu ofisial na ixforsu di tenta unifika skrita di Kriolu kabuverdianu. Sinku anu dipôs staba previstu avalia situason linguistiku na Kabu Verdi y prunúnsia sobri asuntu di Kriolu. Ti inda ka foi dadu sigiméntu, má N ta atxa ma ALUPEC é alfabétu ki midjór ta sinplika y ta unifika skrita di kaulker di k’es variantis di Kriolu ki nu ten. Sima ki dja-m fla várias vezis na es rádiu, ALUPEC ta extabelesi un relason biunivuka entri funemas ou seja son, y grafemas ou seja reprizentason gráfiku di son. Signifika ki kada son ta ser riprezentadu só y só di un manera pa tudu algen. Na nha ixperiensia pisual komu professor di Kriolu na Massasoit College y gósi na Bridgewater State College, N ten alunus Merkanus ki lógu na prumeru dia di aula, es ta prendi elementus di funétika y fonolojia di Kriolu di Santiagu, y maioria d’es ta konsigi skrebi kualker un palavra na Kriolu. Só pa bu odja modi ki ALUPEC ta sinplifika skrita di Kriolu, sima kualker un di nhas alunus podi tistimunha. Ma nu ta repara ma txeu kabuverdianus ki sta abituadu ku skrebi uzandu alfabétu etimolójiku purtugês, es ten k’el rezisténsia pa prendi skrebi di un otu fórma inda ki seja más sinplis. Nu sabi ma rezistensia a mudansa é algu natural y nu ten ki sta informadu y preparadu a lida ku es faktu. Sértu é ki é nesesáriu fazedu más y midjór. Só un dekrétu na papel pa ofisializa ALUPEC ka surti ifeitu dizejadu, pamodi inda txeu kabuverdianus ka prende-l, otus nen ka sabi é kuzé, enfin é ka konsigi txeu aseitason na meiu di kabuverdianus. Má keli ka signifika ma dizisténsia é k’é soluson. Un maior intervenson, urjenti y abranjenti, ku organizason di várius atividadis pa divulga, explika, dimonstra, y papia ku nos gentis sobri ALUPEC, através di paléstras, workshops, etc, ta fasilita grandimenti na klarifika alguns dúvidas, ekívokus, y mal-entendidu ki podi sta na menti di txeu pesoas. Seria un bon fórma di txigadu a un konsensu y dimokratikamenti konkista y promovi aseitason di ALUPEC. Má tanbê, nen sénpri kuzas ta kontisi di baxu pa riba. Ás vezis até di riba pa baxu é midjór óras ki asuntu é dimaziadu tékniku. É kazu di alguns leis, portarias, etc, ki é propostu pa nos parlamentaris na asenbleia, submetidu a diskuson na jeneralidadi, dipôs na ixpesialidadi, y anton submetidu a votason, y finalmenti promulgadu y dekretadu komu lei pa ser akatadu pa tudu algén. Kela é ka ninhun inpozison y ningen ka ta reklama y fla ma e ka foi konsultadu, e ka da se opinion, y más lénga-lénga. Inpurtanti é ki leis ten ki fazi sintidu y pisoas ten ki aseita-s. Talvês nu devia sigi kel mesmu via pa ofisializa Kriolu.

Valdir: Mas kual é ki é riperkurson a nível di ensinu. Nes muéntu dja nu teni Kriolu semi-ofisializadu. Na skóla nu ta kontinua ta studa na Kriolu ó na Purtugês?
Montrond: Obi, oji é dia ideal pa nu fala y refleti sobri es asuntu. Kriolu é prumeru lingua ki un kualker kabuverdianu ta prendi papia. Nu ta prende-l naturalmenti y na diskóntra sen ninhun ixforsu intelektual ó kognitivu. É sima lugar na undi ki un algen nasi. Ten algun lugar ki bu ta konpara ku Galinhéru na undi ki bu nasi? Mi, ka ten ninhun lugar ki N ta konpara ku Ribeira Ilhéu. Dja-m stevi na várius lugaris, ma ninhun é ka sima lugar ki-m nasi. Lugar ki un algen nasi ta marka-l pa fin di se vida. Lingua matérnu é mesmu kuza. El ta marka personalidadi y fórma di pensa di un algen. Nu sabi ma lingua nu ta uza-l pa nu organiza, pa nu pensa, pa nu kumunika, pa nu reza, pa nu studa, enfin …

Mi, N ta fala várias linguas, má só N trapadja N ta rikorri lógu a Kriolu. Nos lingua matérnu sta-nu na nos miolu, el sta-nu na nos matris. Pur tudu isu, N ta atxa ma Kriolu é lingua ki debi ser uzadu pa inxina mininus kabuverdianus, sobretudu na k’es prumérus anus di ixkolaridadi. Isu pamodi mininu dja sabi papia Kriolu. Pa maioria di mininus, Kriolu é úniku lingua ki es ta papia. Purtantu profisoris debi uzaka Kriolu ki mininu dja sabi pa inxina-l aritmétika, lé, skrebi, etc. Si es opta pa purtugês, ki pa es é un lingua stranjeru, dja tarefa é mutu más difísil, pamodi es ten ki inxina mininus purtugês y aritmétika pur izénplu au mesmu ténpu. Ka ta dadu konta di frustrason ki kela ta koloka na kabésa di k’es mininus. Nhos imajina, un mininu ki sta na primera ó sugunda klasi, ki ta mandadu pa skrebi un redason sobri o boi en purtugês. Kel mininu é kapaz di nen ka intendi kuzé ki boi signifika. En vês di prufesor explika-l na Kriolu ki el ta intendi dretu y fla-l ma boi é toru, el ta perdi un monti ténpu ta tenta ixplika-l na purtugês y mininu ta dura ki intendi. Y na próva oral, ta izigidu mininu pa papia y ixplika só na purtugês matérias ki podi ser konpleksu y linguistikamenti izigenti. Purtantu, stadu ta kunplika tarefa di mininu na prendi konseitus na purtugês en vês di Kriolu y ka ta uzadu lingua ki mininu ta domina y permiti-l di uza se ixperiensia na se prusésu di aprendizájen.

Valdir: Di algu natural ki bu inkontra, di algu ki nasi ku bo, a algu ki ten ki ser formalizadu. Ten un diferénsa.

Montrond: Kistãu di formaliza Kriolu, é só se skrita. En térmus di oralidadi nu sabi ma ka ten ninhun prubléma. Nos tudu nu sabi ma di Santanton a Brava ten un interkonprenson entri pesoas.

Valdir: Até nu ben ten rikursus finanseiru y material didátiku, bu ka ta atxa ma nu sta na un sitauson di retrosésu y inda nu ka sta prontu pa ofisializa Kriolu. É ka midjór nu spera ti ki nu teni material y rikursus na mon antis di nu ofisializa Kriolu?
Montrond: Nau. N ta atxa ma na es muméntu dja sta riunidu kondison pa Kriolu ser ofisializadu. Ka nu ben ku diskulpa txeu, di material, di rikursu finanseru, etc, y tal. Ma Kriolu dja sta ofisializadu tudu k’es la ta ben dipôs. Falandu di material didatiku, mi pur izénplu N ta prepara nhas própi material. Tanbê, N sabi ma ten otus ki tanbê ta prepara ses própi material. Purtantu rikursus é ka prublema. Vontadi pulitika, sin, é nesesáriu. É nesesáriu nu rikonhesi nesesidadi pa nos terséru konkista k’é ofisializason di Kriolu, dipôs di nos independensia pulitika pa nos soberania na 1975, y di dimokrasia y liberdadi ki nu konkista na anus 90.

Valdir: Nos lingua ben di purtugês, ó nãu?

Montrond: Ben di purtugês komu?

Valdir: Nos lingua é ka derivadu di purtugês?

Montrond: Portugês sta na orijen di Kriolu kabuverdianu, sén dúvida.

Valdir: Anton nu ten ki bazia na purtugês, ó nãu?

Montrond: Nãu nesesariamenti.

Valdir: Anton ka ten diferénsa entri boi ku toru?

Montrond: Txeu vokábulus na kriolu ku txeu influénsia di purtugês ás vezis é ka fásil pa txeu algen intende-s, sima palavras boi, ovelha, etc. Má ten tanbê alguns palavras na kriolu ki ka ten nada a ver ku purtugês. Pur izénplu, banbú algen. Valdir bu podi traduzi: el é ki ta banbuba mi, na purtugês? Kuidadu pa bu ka fla: ele é que me bambuva.

Valdir: É simples. Ele é que me levava às costas.

Montrond: Kuidadu. Karrega na kósta podi ka ser banbú. Un algen ki sta ta karrega un fexi padja na kósta ka sa ta banbu-l.
Valdir: Li dja bu fla un palavra ki podi ser dialétu afrikanu.

Montrond: Xa-m da-u más un.

Valdir: Bu podi da-m.

Montrond: Valdir, traduzi-m keli na purtugês: Ó Txuli, panha kel karman, kel buli, y kel salidoru bu pindra-s na kanbilitxi.

Valdir: Só si bu ixplika-m oríjen di kes palavras la.

Montrond: Ka bu fla-m ma bu ka ta intendi kes palavras la.

Valdir: Agora ti ki bu skrebe-l na kel kriolu ofisializadu, bu ten ki traduzi-l pa un algen di Santantãu.

Montrond: Nãu, nu sa ta bai di Kriolu diretamenti pa purtugês. Keli é un bon izénplu pa pisoas odja ma kriolu ten se ixtrutura y alguns vokábulus própriu ki ka ten nada a ver ku purtugês.

Valdir: Kal varianti di kriolu ki bu ta inxina bus alunus na universidadi?

Montrond: Pur akazu N fazi un ixkolha dimokrátiku. N ta inxina-s varianti di Santiagu pamodi é varianti ki é papiadu pa maioria di kabuverdianus.

Valdir: Si un algen di Brava fla-bu azu bu sabi é kuzé?

Montrond: Un algen di Brava y un di Santantãu es ta intendi kunpanheru ó nãu?

Valdir: Es ta intendi kunpanheru sin, má nãu perfeitamenti.

Montrond: Ami dkja-m stevi na Sal ta trabadja y nunka N ka tevi prubléma ku intendi gentis di Sal y nen es, es ka tevi prubléma na intende-m. Pa bu intendi un ideia ó un konseitu na un lingua bu ka mesti intendi tudu palavra ki sta uzadu nakel ideia ó konseitu. Ten teknikas ki algen podi uza pa djuda-l intendi un ideia ó konseitu na un lingua ki el ka ta dumina. Active reading strategies é un téknika ki mininus ki sa ta prendi inglês podi uza pa es podi intendi kuza ki es sa ta lé. Nu debi prokura intendi ideia jeral num prumeru fazi sén liga pormenor mutu.

Valdir: Dexa-m fazi un pauza kumersial nu ta volta daki a poku …

Sugunda parti ta kontinua brevimenti.

Agnelo A. Montrond