Dor Di Amor

Pa Marlise Rodrigues


N prende ma N ka debe iziji amor di ningen
Ma N debe y pode só da bon razon pa algen gosta di mi …
Y ma N debe ten paxenxa pamodi vida ta faze tudu kel ki sta falta

//

Maior kobardia di un omi
E disperta amor na mudjer ki el ka ten intenson di ama-l

//

E duru fla txau a algen ki bu ta ama
Óras ki bo e obrigadu a dana ku el
Má inda bu kre fika ku el

//

E difísil ri óra ki bu sta txora.
Difísil tanbe e skese to ki bu ta ama

//

Abo e nha razon di vivi
Abo e nha korason
Abo e nha paixon
Abo e tudu pa mi …

//

Será ki e bo?!

//

Na ingles ta fladu «I Love You»
Na franses ta fladu «Je t’aime»
Na purtuges ta fladu «Eu te amo»
Na Kriolu ta fladu Mi e Dodu Na Bo

//

Ama-bu e gana
Ama-bu e vontadi
Ama-bu e prazer
Ama-bu e enfin tudu

//

Oji N sa ta studa rixu pa más tardi N ben ser filis
N ta kansa na skóla oji
Pa N ben diskansa manhan
Minis nhos obi es nha konsedju pamodi el e bunitu y dretu

//

Si algun dia bu odja Praia
Ku aspetu di txuba
Lenbra ma e nha odju
Ki sta txora
Pamodi e ka sa ta odja-bu

Marlise Rodrigues