Matimátika e sima arku-íris

Pa Janice Teixeira

Matimátika e sima ténpu. Nunka e ka ta para.

Matimátika e sima un livru ki bu tene abértu. Bu ka ta fitxa-l tementi bu ka prende.

Matimátika e sima lotaria. Si bu ka djuga bu ka ten xansi pa ganha.

Matimátika e sima iternidadi. E ka ten fin.

Matimátika e sima un sorrizu. E’ pode ser un verdaderu sorrizu di kontentéza y di filisidadi ó el pode ser un surrizu amarélu di falsindadi.

Matimátika e sima bu kodé. Ma dja bu konxe-l nunka más bu ka ta diskisê d’el.

Matimátika e sima un extra-terrestri. Nu ka pode sabe tudu sobri el.

Matimátika e sima montanha rusa. E rei di eufóriku, sabi y divirtidu.

Matimátika e sima un bólsa uma grandi. E ta kebi tudu kuza ki bu pode prende.

Matimátika e sima un spada. Ta due óras ki un algen da érru.

Matimátika e sima nos mai. El ta sta sénpri la pa óras ki nu meste-l.

Matimátika e sima arku-íris / arku-da-bédja. E’ ten ta kubri tu spétru di pensaméntu: di infra-vermelhu ti ultra-violéta.

Janice Teixeira