Bill Clinton fla ma Obama “sta prontu pa ser prizidenti di Stadus Unidus”.

Bill Clinton

Bill Clinton ki foi prizidenti di Mérka duranti dôs mandatu konsekutivu, fla onti kuarta-fera, ma el ta faze tuku kuza ki el pode, pa demokrata Barack Obama, ki dja sta prontu pa es kargu ki el sa ta disputa ku se adiversáriu, republikanu John McCain, ser eleitu prósimu prizidenti di Stadus Unidus .

Sigundu própi palavras di Bill Clinton, “trabadju di prósimu prizidenti di Stadus Unidus é rekunstrui sonhu merkanu y restaura imájen di Mérka na mundu”.

“Tudu kuza ki N prende duranti kes oitu anus ki N foi prizidenti y tanbe na tudu trabadju ki N ten fetu tantu na Mérka komu na planeta interu, é un experiensia ki konvense-m ma Barrack Obama é Omi sértu ki Mérka meste pa es kargu”.

Klika li si bu kre odja y obi diskursu konplétu di Bill Clinton:

http://www.cnn.com/video/#/video/politics/2008/08/27/sot.dnc.clinton.entire.cnn

Source: CNN