Obama Fla Kel Multidon Di Demokratas Ma El Sta Prontu Pa Ganha John Mccain Y Pa Konpu Washington.
Rodeadu di uma multidon di gentis, Barack Obama promete un linpeza “di kel pulítika kebradu na Washington y di kes pulítikas frakasadu di George W. Bush”, onti noti, kinta-fera, dia 28 di Agostu, na undi ki el aseita publikamenti se kandidatura formal a kargu di prizidenti di Stadus Unidus. Obama sta na fazi final di es disputa audasiozu, y si el ganha eleison na Nuvénbru, el ta ser prumeru prizidenti di Stadus Unidus ki é ka branku. Senador Barack Obama fla ma el tene un planu ki ta lidera Stadus Unidus pa un novu éra di mudansa.
“Mérka, gósi é ka ténpu pa planus pikinoti,” foi un di kes frazis ki senador demokrata di Illinois di 47 anu diriji a aprosimadamenti 84 mil pesoas ki staba rotxadu na kunpanheru na kampu Invesco, un stádiu di futebol enórmi lokalizadu na zóna ki ta fika na bazi di kes rotxas “Rocky Mountains”.
El prometi diminui inpostu pa kuazi tudu famílias di klasi di trabadjadoris, finda gérra na Iraki e para es dipendênsia ki Mérika tene di óliu di Médiu Orienti na un prazu di un dékada.
“ Mudansa ta kontisi pamodi povu merkanu sa ta reklama-l – pamodi es es kre apusta na nóvas ideias y na un novu lideransa y na nóvas puítikas pa un novu ténpu. Mérka, keli é un di kes muméntus, “El fla ses apoiantis na Konvenson Dimokrata Nasional”. “ N ta akredita ma tãu árduo kuantu seja, mudansa ki nu meste sta na kaminhu ta ben.”
Pa odja y obi diskursu konplétu di Senador Barrack Obama basta klika:
Parti 1:
No comments:
Post a Comment